ފިލްމީ ތަރި އަދި ޑައިރެކްޓަރ ނިމާލަށް ސްޓްރޯކެއް ޖެހިގެން އައިސީޔޫގައި

މަޝްހޫރު ފިލްމީ ތަރި އަދި ޑައިރެކްޓަރ އަޙުމަދު ނިމާލަށް ސްޓްރޯކެއް ޖެހިގެން އައިސީޔޫގައި ފަރުވާދޭން ފަށައިފިއެވެ.

މަޢުލޫމާތު ލިބިފައިވާ ގޮތުގައި އޭނާއަށް ސްޓްރޯކެއް ޖެހުނީ ސައިކަލު ދުއްވާފައި ދަނިކޮށެވެ. އެހެންކަމުން އިތުރު އަނިޔާތަކާއެކު، އޭނާގެ ހާލު ސީރިއަސްކަމަށް މަޢުލޫމާތު ލިބެއެވެ.

ނިމާލްއަކީ ދިވެހި ފިލްމް އިންޑަސްޓްރީގައި 1984ވަނަ އަހަރުން ފެށިގެން މަސައްކަތް ކުރަމުން އަންނަ ފަންނާނެކެވެ. އަދި މިހާރު އުމުރުން 62 އަހަރުވެފައިވާއިރު، ފިލްމު ޑައިރެކްޓުކުރުމުގެ އިތުރުން، ފާއިތުވި އަހަރު ނިކުތް ފިލްމުތަކުގައި ވެސް އޭނާ ވަނީ އެކްޓަރެއްގެ ގޮތުގައި ހަރަކާތްތެރިވެފައެވެ.

ނިމާލްއަކީ ޑައިރެކްޓް ކުރުމާއި އެކްޓަރެއްގެ އިތުރުން، ބައެއް ވާހަކަތައް ލިޔެ ސްކްރީންޕްލޭ ވެސް ލިޔެފައިވާ ފަރާތެކެވެ.