"އައިލް އެޑްވެންޗަރ ޕާކް" ގެ ނަމުގައި ކުޅިވަރާއި މުނިފޫހިފިލުވުމުގެ ބޮޑު މަރުކަޒެއް ތަރައްޤީކުރަނީ

ހުޅުމާލޭގައި "އައިލް އެޑްވެންޗަރ ޕާކް" ގެ ނަމުގައި ކުޅިވަރާއި މުނިފޫހިފިލުވުމުގެ ބޮޑު މަރުކަޒެއް ތަރައްޤީކުރުމަށް ނިންމައިފިއެެވެ. މި މަޝްރޫޢުގެ ދަށުން ރޭސިންގ ޓްރެކް، ޑްރިފްޓް ޓްރެކް އަދި ގޯކާޓް ފަދަ ތަފާތު ކުޅިވަރުތަކުގެ އިތުރުން ވޯޓަރ ތީމް ޕާކް، ސްޕްލޭޝް ޕެޑް އަދި ވޭވް ޕޫލް ފަދަ ވަސީލަތްތައް ޤާއިމްކުރެވޭނެއެވެ.

މި މަޝްރޫޢަކީ ފަތުރުވެރިކަމުގެ ދާއިރާއަށް އިތުރު ކުރިއެރުމެއް ގެނެސްދޭނެ މަޝްރޫޢެއްގެ ގޮތުގައި ބެލެވެއެވެ. އަދި މި މަޝްރޫޢުގެ ސަބަބުން ގިނަ ވަޒީފާގެ ފުރުސަތުތަކެއް އުފެދި، ޤައުމުގެ އިޤްތިޞާދަށް ފައިދާކުރާނެ ކަމަށް ބެލެވެއެވެ. މީގެ އިތުރުން، ކެއުމާއި ބުއިމުގެ ޚިދުމަތްތަކާއި، ދަތުރުފަތުރުގެ ޚިދުމަތްތަކާއި އަދި ކުދި ވިޔަފާރިތަކަށްވެސް މި މަޝވެސް މި މަޝްރޫޢުގެ ސަބަބުން ފުރުސަތުތަކެއް ހުޅުވިގެންދާނެ ކަމަށް ލަފާކުރެވެއެވެ.

މި މަޝްރޫޢުގެ ސަބަބުން ރާއްޖެއަށް ޒިޔާރަތްކުރާ ފަތުރުވެރިންނަށް އިތުރު ތަޖުރިބާތަކެއް ލިބި، ރާއްޖޭގެ ފަތުރުވެރިކަން އިތުރަށް ކުރިއަރައިގެންދާނެ ކަމަށް ބެލެވެއެވެ. އަދި ރާއްޖޭގެ ރައްޔިތުންނަށްވެސް މުނިފޫހިފިލުވުމުގެ އިތުރު ވަސީލަތްތަކެއް ލިބިގެންދާނެއެވެ.

މި މަޝްރޫޢު ފެށިގެން އަންނަނީ ހުޅުމާލެ ތަރައްޤީކުރުމުގެ މަސައްކަތުގެ ތެރެއިންނެވެ. މި މަޝްރޫޢު ނިމުމުން ހުޅުމާލެއަކީ ދިރިއުޅުމަށް އެކަނި ނޫން، މުނިފޫހިފިލުވުމަށްވެސް އެކަށީގެންވާ ރަށަކަށް ވެގެންދާނެ ކަމަށް ބެލެވެއެވެ.