ކުދި ވިޔަފާރިތަކަށް ޙާއްސަ ޒަމާނީފެންވަރުގެ އެސްއެމްއީ ބިލްޑިންގ އެއް ހަދަނީީ

ރައީސް ޑރ. މުޙައްމަދު މުޢިއްޒުގެ ވިޝަންގެ ދަށުން ކުދި އަދި މެދު ފަންތީގެ ވިޔަފާރިތަކަށް ބާރުވެރިކަން ދިނުމަށާއި، ވިޔަފާރީގެ  ރޫހު އާލާކުރުމަށް އަމާޒުކޮށްގެން އެސްއެމްއީ ބިލްޑިންގ އެއް ޒަމާނީ ފެންވަރަށް ހެދުމަށް ނިންމައިފިއެވެ.

މި އިމާރާތަކީ ޤައުމުގެ ކުރިއެރުމަށް މުހިންމު ދެ ބާރެއްކަމުގައިވާ ލޯކަލް ވިޔަފާރިތަކާއި ވިޔަފާރީގެ ރޫހު އާލާކުރުމަށް އަމާޒުކޮށްގެން ތައްޔާރުކޮށްފައިވާ އިމާރާތެކެވެ. މި އައު އިމާރާތުގައި ކުދި އަދި މެދު ފަންތީގެ ވިޔަފާރިތަކަށް އެހީތެރިވުމަށްޓަކައި، ވަސީލަތްތައް ހިއްސާކުރެވޭނެ ގޮތަށާއި، އެކުގައި މަސައްކަތްކުރެވޭނެ މާހައުލެއް ޤާއިމުކޮށްދީފައިވެއެވެ. މީގެ ސަބަބުން ވިޔަފާރިވެރިންގެ މެދުގައި އުފެއްދުންތެރިކަމާއި ގުޅުން ބަދަހިވެގެންދާނެއެވެ.

އެސްއެމްއީ ބިލްޑިންގ އަކީ ހަމައެކަނި އެކުގައި މަސައްކަތްކުރެވޭނެ ޖާގައެއް ނޫނެވެ. މިއީ އައު އުފެއްދުންތަކަށް މަގުފަހިކޮށްދޭ، އަދި ވިޔަފާރީގެ އައުޓްލެޓްތަކުން ފުރިފައިވާ މަރުކަޒެކެވެ. މި އިމާރާތުގައި ހުންނަ އެކި ކުންފުނިތަކުގެ ސަބަބުން ގިނަ ވަޒީފާގެ ފުރުސަތުތަކެއް އުފެދިގެންދާނެއެވެ. މި ހަރަކާތްތެރި މާހައުލުގެ ސަބަބުން ވަޒީފާތައް އިތުރުވެ، މުޖުތަމަޢުގެ ފުދުންތެރިކަން އިތުރުވެގެންދާނެކަމަށް ބެލެވެއެވެ.

.