ރައީސް މުޢިއްޒުގެ ވިޝަނާއެކު ސްމާޓް ވެއަރހައުސް ކޮމްޕްލެކްސްއެއް ތަޢާރަފުކުރަނީ

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދެމެހެއްޓެނިވި އަދި ތަރައްޤީވެފައިވާ ސިޓީއެއްގެ ވިޝަނާ އެއްގޮތަށް، އައު ޓެކްނޮލޮޖީއާއި ދެމެހެއްޓެނިވި ގޮތްތަކަށް ބައްޓަންކުރެވިފައިވާ ސްމާޓް ވެއަރހައުސް ކޮމްޕްލެކްސްއެއް ތަޢާރަފުކުރުމަށް ސަރުކާރުން ނިންމައިފިއެވެ.

މި މަޝްރޫޢުގެ ދަށުން ޤާއިމުކުރެވޭ ވެއަރހައުސް ކޮމްޕްލެކްސްއަކީ އިންޓަރނެޓް އޮފް ތިންގްސް (އައިއޯޓީ) ޓެކްނޮލޮޖީ ބޭނުންކޮށްގެން ހިންގޭ، ވިޔަފާރިތަކުގެ މުދާ ރައްކާކުރުމާއި، ބެލެހެއްޓުމާއި އަދި ޤައުމުގެ އެކި ކަންކޮޅުތަކަށް ފޯރުކޮށްދިނުމުގެ މަސައްކަތް އެންމެ ހަރުދަނާ ގޮތެއްގައި ކުރެވޭނެ ނިޒާމެކެވެ. މި ނިޒާމުގެ ސަބަބުން ވިޔަފާރިތަކުގެ ލޮޖިސްޓިކްސްގެ ހުރިހާ ދާއިރާއެއްވެސް އެންމެ ފުރިހަމަ ގޮތުގައި ހިންގުމަށް މަގުފަހިވެގެންދާނެއެވެ.

މި މަޝްރޫޢަކީ ސަރަޙައްދުގެ އިންފްރާސްޓްރަކްޗަރ ތަރައްޤީކުރުމުގެ އިތުރުން، އިންވެސްޓްމަންޓްތައް ރާއްޖެއަށް ޖަޒުބުކުރުމަށާއި، އިތުބާރުހުރި ވެއަރހައުސިންގ އަދި ސްޓޯރޭޖް ޚިދުމަތްތައް ބޭނުންވާ ވިޔަފާރިތަކަށް ރާއްޖެ އިތުރަށް ޝައުޤުވެރިކުރުވުމަށް މަގުފަހިކޮށްދޭނެ މަޝްރޫޢެކެވެ.

 މި މަޝްރޫޢަކީ ރާއްޖޭގެ ވިޔަފާރިތަކަށާއި އިޤްތިޞާދަށް ބޮޑު ކުރިއެރުމެއް ލިބިގެންދާނެ މަޝްރޫޢެއްކަމަށް ބެލެވެއެވެ.