ޚަބަރު
ހުޅުމާލެ ސިޓީ ގައި ދިރިއުޅުމުގެ ފެންވަރު އިތުރަށް ތަރައްޤީ ކުރަނީ
ހުޅުމާލެ އިތުރަށް ރީތިކުރުމަށް ކުރެވިފައިވާ ޕްލޭންގެ ކުރެހުމެއް ފޮޓޯ: އެޗްޑިސީ
ހުޅުމާލޭގެ މަގުތަކާއި އާންމު ތަންތަން އާރާސްތުކޮށް، ރައްޔިތުންގެ ދިރިއުޅުމުގެ ފެންވަރު މަތިކުރުމަށް އަމާޒުކޮށްގެން ގިނަ މަޝްރޫޢުތަކެއް ފަށައިފިއެވެ. މި މަޝްރޫޢުތަކުގެ ސަބަބުން ހުޅުމާލޭގެ އިޤްތިޞާދަށް ވެސް ހެޔޮ ބަދަލުތަކެއް އަންނާނެ ކަމަށް ބެލެވެއެވެ.
މި މަޝްރޫޢުތަކުގެ ދަށުން ހުޅުމާލޭގެ މަގުތަކުގައި ކުލަގަދަ ކުރެހުންތަކާއި، އިންޓަރެކްޓިވް މަންޒަރުތައް ހަދައި، ގަސްގަހާގެހި އިންދައި، ހިޔާ ލިބޭނެ ގޮތަށް މަގުތައް ތަރައްޤީ ކުރެވޭނެއެވެ. މީގެ އިތުރުން ދުވުމަށާއި ސައިކަލު ދުއްވުމަށް ޚާއްޞަ މަގުތަކެއް ވެސް ހެދޭނެއެވެ.
މި މަޝްރޫޢުތަކަކީ ހަމައެކަނި ރީތިކުރުމަށް ކުރާ ކަންތައްތަކެއް ނޫންކަމަށާއި، މިއީ ސިޓީގައި ދިރިއުޅުމުގެ މާނަ އަލުން މާނަކުރުމަށް އަޅާ ހަރުދަނާ ފިޔަވަޅެއް ކަމުގަި އެޗްޑީސީއިން ހާމަކުރެއެވެ.
މި މަޝްރޫޢުތަކުގެ ސަބަބުން ހުޅުމާލޭގެ އިޤްތިޞާދަށް ވެސް ފައިދާތަކެއް ކުރާނެ ކަމަށް ބެލެވެއެވެ. ވިޔަފާރިތަކަށް އާ ފުރުޞަތުތަކެއް ހުޅުވި، ވަޒީފާގެ ފުރުޞަތުތައް އިތުރުވެ، މުޅި މުޖުތަމަޢުގެ އިޤްތިޞާދީ ދުޅަހެޔޮކަން އިތުރުވާނެ ކަމަށްބެލެވެއެވެ.
މި މަޝްރޫޢުތަކުގެ ސަބަބުން ހުޅުމާލެއަކީ ދިރިއުޅެން ފަސޭހަ، ޞިއްޙަތަށް ރަނގަޅު އަދި އެކުވެރި މާޙައުލެއް އޮތް ސިޓީއަކަށް ހެދުމަށް މަގުފަހިވާނެ ކަމަށް ބެލެވެއެވެ.
