Ads by Exprox

ޚަބަރު

ބަޖެޓް ބަހުސް މިރޭ 11:00 އަށް ކުރިއަށްދާނެ!

ބަޖެޓް ބަހުސް މިރޭ 11:00 އަށް ކުރިއަށްދާނެ!

މަޖިލީހަށް ހުށައަޅައިފައިވާ 2025އަށް ލަފާކުރާ ބަޖެޓުގެ ބަޖެޓް ފޮތް. ފޮޓޯ: މަޖިލިސް

ޙަސްނާ އަޙްމަދް

ޙަސްނާ އަޙްމަދް

13 ނޮވެމްބަރު 2024، 03:37

13 ނޮވެމްބަރު 2024، 03:37

ކުރިއަށް އޮތް 2025ވަނަ އަހަރަށް ލަފާކޮށް ހުށައެޅި ބަޖެޓާއި ގުޅޭ ބަހުސް މިރޭ 11:00 އަށް ކުރިއަށްގެންދަން ރައްޔިތުންގެ މަޖިލީހުން ފާސްކޮށްފިއެވެ. 

ބަޖެޓުގެ ބަހުސް ފަށައިފައިވަނީ އިއްޔެ ޖަލްސާގައެވެ. ބަޖެޓު ފޮތް މަޖިލީހުގެ މެންބަރުންނަށް ލިބިފައިވަނީ އިއްޔެކަން ފާހަގަކުރައްވައި ރިޔާސަތުން ވަނީ ބަހުސް ހެނދުނު 10:30 އާ ހަމައަށް ގެންދިއުމަށްފަހު، މިއަދާއި މާދަމާ ބަހުސް ކުރިއަށް ގެންދިޔުމަށް ނިންމާފައެވެ.

މިއާއިއެކު، މިއަދުގެ ޖަލްސާގަައި ބަޖެޓުގެ ބަހުސް ކުރިއަށްގެންދާނެ ވަގުތު ކަނޑައެޅުމަށް ވޯޓަށް އަހާފައިވާއިރު، ހުސްވަގުތުކޮޅަށް ތަންދެމުން މިރޭ 11:00 އާ ހަމައަށް ބަހުސް ކުރިއަށް ގެންދިއުމަށް ފާސްކޮށްފައިވަނީ 52 މެންބަރުންގެ ވޯޓުންނެވެ.

ބަޖެޓަށް ބަހުސް ކުރުމަށް އެދޭ މެންބަރުން ބަހުސްކޮށް ނިމެންދެން މިއަދުގެ ޖަލްސާގެ ވަގުތު އިތުރުކޮށްފައިވާއިރު، މާދަމާގެ ޖަލްސާގައިވެސް ބަހުސް ކުރުމަށް ބޭނުންފުޅުވާ މެންބަރުންގެ ވާހަކަފުޅުތައް ނިމެންދެން ޖަލްސާ ކުރިއަށްގެންދިއުމަށް ވަނީ ފާސްކޮށްފައެވެ.

އަންނަ އަހަރަށް ލަފާކޮށް ހުށަހަޅާފައި ވަނީ 56.6 ބިލިއަން ރުފިޔާގެ ބަޖެޓެކެވެ. މި ބަޖެޓްގައި ބޯހިޔާވެހި ކަމަށް ވަރަށް ބޮޑު އިސްކަމެއް ދީފައިވާތީ ބަޖެޓަށް ސަރުކާރުން ކިޔަނީ ގެދޮރުވެރިކަމުގެ ބަޖެޓެވެ.

 

މި ލިޔުން ކިޔާލުމުން

Ads by MSS