ދުނިޔެ
އިޒްރާއިލް ސިފައިން 2025 ނިމުމުގެ ކުރިން ޣައްޒާއިން ނުފައިބާނެ!
ހަމަލާތަކުގެ ސަބަބުން ޙާލުގައި ޖެހިފައިތިބި ފަލަސްޠީނުގެ ކުޑަކުދިންތަކެއް.
އިޒްރާއިލް ސިފައިން 2025 ނިމުމުގެ ކުރިން ޣައްޒާއިން ނުފައިބާނެ ކަމަށް އިޒްރާއިލްގެ ނިއުސް ރިޕޯޓުތަކުން ދައްކައިފިއެވެ.
އިޒްރާއީލުގެ ނިއުސް އައުޓްލެޓް ހާރެޓްޒް އިން ރިޕޯޓްކުރާ ގޮތުގައި ފާއިތުވި ހަފްތާތަކުގައި އިޒްރާއިލް ސިފައިން ވަނީ މުވައްޒަފުންނަށް ތަމްރީނާއި ޕްލޭނިން މެޓީރިއަލްތައް ބަހާފައި ކަމަށެވެ.
އަދި އެރިޕޯޓުން ދައްކާ ގޮތުގައި އިޒްރާއިލުން ރާވައިފައިވަނީ ކުރިއަށް އޮތް 2025 ވަނަ އަހަރު ޣައްޒާގައި ތިބެ މުޅި ޣައްޒާ އެބައިމީހުންގެ ބާރުގެ ދަށަށް ގެނައުމަށެވެ.
ހާރެޓްޒް ރިޕޯޓްކުރާ ގޮތުގައި، އިޒްރާއީލުން ދަނީ ޣައްޒާގައި ފަލަސްޠީނުގެ އަހުލުން ބިނާކޮށްފައިވާ އިމާރާތްތައް ހަމަލާތަކުގައި ވައްޓާލެވެމުންދާ ވަރަކަށް އެބައިމީހުންގެ އިމާރާތްތައް އެޅުމަށް ބިނާރާ ބެހޭ ރޭވުންތައް ރާވަމުންނެވެ.
ހަނގުރާމަ ނިމުމުން ޣައްޒާގައި އިޒްރާއީލުގެ ސަލާމަތީ ކަންކަން ދިގުދެމިގެންދާތަން ފެންނަން ބޭނުން ނުވާ ކަމަށް އެމެރިކާގެ ރައީސް ޖޯ ބައިޑަންގެ ވެރިކަމުގައި ތަކުރާރުކޮށް ބުނެފައިވެ އެވެ.
ނަމަވެސް އެމެރިކާގެ ވެރިއަކަށް ޑޮނާލްޑް ޓްރަމްޕް ހޮވިފައިވާއިރު އިޒްރާއިލާއި މެދު އެމެރިކާއިން އަޅާނެ ފިޔަވަޅުތަކަކީ ފަލަސްޠީނުގެ ރައްޔިތުންނަށް އިންސާފުލިބިދާނެ ފިޔަވަޅުތަކަަކަށް ވުމަކީ އެކަށީގެންވާކަމެކެވެ.
ޓްރަމްޕް ވަނީ އިޒްރާއިލްގެ ހަމަލާތައް ހުއްޓާލަންވީ ވަގުތު ޖެހިއްޖެ ކަމަށް މީގެ ތިން ދުވަސް ކުރިން ބުނެފައެވެ.
