ބޮޑުތަކުރުފާނު މަގު ތަރައްޤީކުރުން: ދެވަނަ ފިޔަވަހީގެ ޝީޓްޕައިލް ކުރުމުގެ މަސައްކަތް ނިންމާލައިފި

މާލޭގެ ބޮޑުތަކުރުފާނު މަގު ތަރައްޤީ ކުރުމަށް ފަށާފައިވާ މަޝްރޫޢުގެ ދެވަނަ ފިޔަވަހީގެ މަސައްކަތް މިހާރު ކުރިޔަށްދާއިރު، ދެވަނަ ފިޔަވަހީގައި ތަރައްޤީ ކުރުމަށް ނިންމާފައިވާ ސަރަޙައްދުގެ ޝީޓްޕައިލް ކުރުމުގެ މަސައްކަތް އެއްކޮށް ނިމިފައިވާކަމަށް، އެ މަސައްކަތްކުރާ، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ހާމަކޮށްފިއެވެ.

އެމްޓީސީސީއިން ހާމަކޮށްފައިވާ ގޮތުގައި، ދެވަނަ ފިޔަވަހީގެ މަސައްކަތުގެ ތެރެއިން މިހާރު ވަނީ 260 މީޓަރުގެ ސަރަޙައްދެއް ޝީޓްޕައިލްކޮށް ނިމިފައެވެ. މީގެ އިތުރުން 178 މީޓަރުގެ ސަރަޙައްދެއްގައި ޕެނަލް ހަރުކުރުމުގެ މަސައްކަތްވެސް ނިންމާލާފައިވާކަމަށް އެ ކުންފުނިން ހާމަކުރެއެވެ.

މި ފިޔަވަހީގެ ދަށުން އެއްގަމު ތޮށި 6 މީޓަރަށް ބޭރަށް ޖެއްސުމަށް ވެސް ދަނީ މަސައްކަތް ކުރަމުންނެވެ. މިކަމަށްޓަކައި އެ ސަރަޙައްދުގެ ބިން ހިއްކުމުގެ 63 އިންސައްތަ މަސައްކަތް ނިމިފައިވާކަމަށް ވެސް އެމްޓީސީސީއިން ހާމަކުރެއެވެ. 

މީގެ އިތުރުން ބިން އެއްވަރުކުރުމާއި އެއްގަމު ތޮށި ކޮންކުރީޓު އެޅުމުގެ މަސައްކަތާއި، މަގުގައި ތާރު އެޅުމުގެ ކުރިން ފުރިހަމަކުރަންޖެހޭ ދުވާރު ހެދުމާއި، ފެން ހިންދާ ވަޅުތައް ބެހެއްޓުމާއި، ކޭބަލް ޖަންކްޝަންތައް ހެދުމުގެ މަސައްކަތްތައްވެސް ކުރިއަށްދާ ކަމަށް އެމްޓީސީސީން ހާމަކުރެއެވެ.

With a total of 260 meters, sheet piling works of the second phase of the Male' Northside Boduthakurufaanu Magu Road project have been now completed.

Additionally, 105 meters of quay wall capping concrete has also been completed.

Other ongoing works include reclamation works… pic.twitter.com/848vshJQD6

— MTCC Plc (@MTCCPlc) January 27, 2026

ބާޒާރުމަތީ މަގު ހެދުމުގެ މަޝްރޫޢުގެ ދަށުން ލޯކަލް މާރުކޭޓުން ފެށިގެން ނޯތު ހާބަރާ ހަމައަށް 250 މީޓަރުގެ ސަރަޙައްދެއްގައި ތާރު އަޅައިގެން ތަރައްޤީކުރާނެއެވެ. މި މަސައްކަތް ނިމުމުން މި ސަރަޙައްދަކީ ދެކޮޅަށް ދުއްވޭ، ހިނގާ މީހުންނަށް އަމާން އަދި ފެންބޮޑުވުމުގެ މައްސަލައަށް ދާއިމީ ޙައްލެއް ލިބިފައިވާ ޒަމާނީ މަގުތަކަކަށް ވާނެ ކަމަށް އެ ކުންފުނިން ވިދާޅުވެއެވެ.

އެމްޓީސީސީއިން މަސައްކަތް ކުރަމުން ދަނީ ރޯދަ މަސް ފެށުމުގެ ކުރިން މި ސަރަޙައްދުގެ މަސައްކަތް ނިންމައި، އާންމުންނަށް ހުޅުވާލުމަށެވެ. އޭރުން އާންމު ގޮތެއްގައި ރޯދަމަހު އެ ސަރަޙައްދަށް ކުރިމަތިވާ ޓްރެފިކްގެ މައްސަލަތަކަށް ބޮޑު ލުޔެއް ލިބިގެންދާނެއެވެ. 

ބާޒާރުމަތީ މަގު ހެދުމުގެ މުޅި މަޝްރޫޢުގެ ދަށުން، ހެންވޭރު ފެރީ ޓާމިނަލުން ފެށިގެން ނޯތު ހާބަރާ ހަމައަށް 1,088 މީޓަރުގެ ސަރަޙައްދެއް ތަރައްޤީކުރުމަށް ހަމަޖެހިފައިވެއެވެ. މީގެ ތެރެއިން ފުރަތަމަ ފިޔަވަހީގެ 140 މީޓަރުގެ މަސައްކަތް މިހާރު ވަނީ އެއްކޮށް ނިންމާލާފައެވެ.