ޔޫއެންއޯޑީސީ އިން ދެކުނު އޭޝިއާއަށް ކަނޑައަޅައި ރީޖަނަލް ރެޕްރެޒެންޓެޓިވް މަޤާމުގެ ފަތްކޮޅު އަރުވައިފި

ޔުނައިޓެޑް ނޭޝަންސް އޮފީސް އޮން ޑްރަގްސް އެންޑް ކްރައިމް (ޔޫ.އެން.އޯ.ޑީ.ސީ) އިން ދެކުނު އޭޝިއާއަށް ކަނޑައެޅުއްވި އާ ރީޖަނަލް ރެޕްރެޒެންޓެޓިވް ކްރިސްޓިއަން ހޮލްގަރ މަޤާމަށް ޢައްޔަންކުރެއްވިކަމުގެ ފަތްކޮޅު، ޚާރިޖީ ވަޒީރު ޑރ. ޢަބްދުﷲ ޚަލީލަށް ހުށަހަޅުއްވައިފިއެވެ.

ފަތްކޮޅު ހުށަހެޅުއްވުމަށްފަހު ބޭއްވި ބައްދަލުވުމުގައި، ދިވެހިރާއްޖެއިން ޔޫ.އެން.އޯ.ޑީ.ސީ. އާ އެކު ކުރަމުންދާ މަސައްކަތްތައް ފާހަގަކުރައްވައި އެކަމަށް ވަޒީރު ޑރ. ޚަލީލް ޝުކުރު ވަނީ ޝުކުރު އަދާކުރައްވާފައެވެ. އަދި ވަކީން ޚާއްޞަކޮށް، ބޯޑަރު ހުރަސްކޮށް ހިންގާ ކުށްތަކާއި، ޓެރަރިޒަމް އަދި ހަރުކަށި ފިކުރާ ދެކޮޅަށް ކުރެވޭ މަސައްކަތްތަކުގައި ޔޫ.އެން.އޯ.ޑީ.ސީ އިން އަދާކުރާ ދައުރު ވަޒީރު ވަނީ ފާހަގަކުރައްވާފަ އެވެ. 

UNODC Regional Representative for South Asia presents Letter of Appointment to Minister of Foreign Affairs

📃 Press Release | https://t.co/X9W0YnGRAM pic.twitter.com/pjtObBQgTg

— Ministry of Foreign Affairs 🇲🇻 (@MoFAmv) January 27, 2026

މީގެ އިތުރުން، ކުށްތަކުން ރައްކާތެރިވުމަށް ކުރެވޭ މަސައްކަތްތަކާއި، ޤާބިލުކަން އިތުރުކުރުމުގެ ހަރަކާތްތަކާއި، ހެކީގެ މައްޗަށް ބިނާވެފައިވާ ސިޔާސަތުތައް ބައްޓަންކުރުމުގައި ޔޫ.އެން.އޯ.ޑީ.ސީ އާއެކު މަސައްކަތްކުރާނެ ކަމުގެ ޔަޤީންކަން ދެއްވިއެވެ. އަދި މިއީ ޤައުމުގެ ޞުލްޙައާއި، ސަލާމަތާއި، ތަރައްޤީއަށް މަގުފަހިކޮށްދޭ ކަންކަން ކަމުގައިވެސް ވަޒީރު ޚަލީލް ފާހަގަކުރެއްވިއެވެ.

ރީޖަނަލް ރެޕްރެޒެންޓެޓިވް ހޮލްގަރ ވަނީ ޔޫ.އެން.އޯ.ޑީ.ސީ އާއި ދިވެހިރާއްޖެއާ ދެމެދު އޮތް ވަރުގަދަ ގުޅުން ފާހަގަކުރައްވައި، ސަރުކާރުން އަހަންމިއްޔަތުކަންދޭ ކަންކަމުގައި އެހީތެރިކަން ފޯރުކޮށްދިނުމަށް ތައްޔާރަށް އޮތްކަމަށް ވިދާޅުވެފައެވެ. މީގެ އިތުރުން، ޔޫ.އެން.އޯ.ޑީ.ސީ އިން މިހާރު ކުރިއަށްގެންދާ އަދި ކުރިއަށް ރޭވިފައިވާ ޕްރޮގްރާމްތަކަށް އަލިއަޅުއްވާލައްވައި، ދެކުނު އޭޝިއާ ސަރަޙައްދަށް ކުރިމަތިވެފައިވާ ގޮންޖެހުންތަކުން އަރައިގަތުމުގައި ސަރަޙައްދީ އެއްބާރުލުމުގެ މުހިންމުކަން ފާހަގަކުރެއްވިއެވެ.