މާލޭގައި ހުރި އިމާރާތެއްގެ ކޮޓަރިއެއްގައި އަލިފާނުގެ ޙާދިސާއެއް ހިނގައިފި

މާލޭގައި ހުރި އިމާރާތެއްގެ ކޮޓަރިއެއްގައި އަލިފާނުގެ ޙާދިސާއެއް ހިނގައިފި އެވެ.

އެމްއެންޑީއެފުން ވިދާޅުވީ، މ. މަލީޝާގެ އެއްވަނަ ފަންގިފިލާގައި ހުރި ކޮޓަރިއެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސް، މާލޭ ފަޔަރ ސްޓޭޝަނުން މިހާރު ނިއްވާލާފައިވާ ކަމަށެވެ.

އެގޮތުން، މި ހާދިސާގެ ރިޕޯޓް ލިބިފައިވަނީ މިއަދު މެންދުރުފަހު 14:54 ހާއިރު ކަމަށާއި، ޙާދިސާގެ މަޢުލޫމާތު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާ އެކު، މާލޭ ފަޔަރ ސްޓޭޝަނުގެ ފަޔަރފައިޓަރުން ވަނީ އެ ސަރަޙައްދަށް ގޮސް އަލިފާން ނިއްވުމުގެ މަސައްކަތް ކޮށްފައިކަމަށް އެމްއެންޑީއެފުން ވިދާޅުވިއެވެ. އަދި ފަޔަރ ފައިޓަރުން ކުރި މަސައްކަތުން، ރޯވި އަލިފާން 15:24 ހާއިރު އެއްކޮށް ނިއްވާލެވިފައިވާކަމަށް އެމްއެންޑީއެފުން ވިދާޅުވިއެވެ.

މި ޙާދިސާގައި އެއްވެސް މީހަކަށް އަނިޔާއެއް ވެފައިވާކަމުގެ ރިޕޯޓު ލިބިފައެއް ނުވެއެވެ.