ގެއްލިގެން ހޯދި ޢަބްދުލްޢަޒީޒު ހުރީ ތިލަފުށީގައި

ޏ. ފުވައްމުލަކަށް ނިސްބަތްވާ ޢަބްދުލްޢަޒީޒު މުޙައްމަދު ގެއްލިގެން ހޯދަމުން ދަނިކޮށް އޭނާ ތިލަފުށީގައި ހުރިކަން އެނގިއްޖެއެވެ.

އުމުރުން 64 އަހަރުގެ ޢަބްދުލްޢަޒީޒު ތިލަފުށީގައި ހުރިކަން އެނގުނީ، އޭނާ އަމިއްލައަށް ފޯނުން ގުޅައި އެކަން އެންގުމުންނެވެ.

ދިވެހި ފުލުހުންގެ ޚިދުމަތުން ހާމަކޮށްފައިވާ ގޮތުގައި، އޭނާ ވަނީ ޢާއިލާ އާއި ފުވައްމުލައް ޕޮލިސް ސްޓޭޝަނަށް ފޯނުން ގުޅައި، އޭނާ ތިލަފުށީގައި ހުރިކަމަށާއި، ޙާލު ރަނގަޅުކަމަށް އަންގާފައެވެ.

ޢަބްދުލްޢަޒީޒު ގެއްލިގެން ހޯދަން ފެށީ، އޭނާގެ ޚަބަރެއް ނުވާތާ ގިނަ ފުވަސްތަކެއް ފާއިތުވުމުންނެވެ. އެގޮތުން ޢާއިލާއަށް އެންމެ ފަހުން ޚަބަރެއް ވެފައިވަނީ 2025 ސެޕްޓެމްބަރު 3 ވަނަ ދުވަހު ފޯނުން ކަމަށާއި، އަދި ޢާއިލާގެ މީހަކަށް އޭނާ އެންމެ ފަހުން ފެނިފައިވަނީ 2025 ވަނަ އަހަރުގެ ނޮވެމްބަރު މަސްތެރޭގައި އައިޖީއެމްއެޗް ކައިރިން ކަމަށް ވެސް އޭނާގެ ޢާއިލާއިން ފުލުހުންނަށް މަޢުލޫމާތު ދީފައިވެއެވެ. 

އާއިލާއިން ފުލުހުންނަށް މަޢުލޫމާތު ދީފައިވާ ގޮތުގައި ޢަބްދުލްޢަޒީޒު މަސައްކަތްކުރަނީ މުދާ އުފުލާ ދޯނިފަހަރުގައެވެ.