ހއ. ބާރަށުގައި އިމާރާތްކުރާ ޕޮލިސް ސްޓޭޝަންގެ ޢަމަލީ މަސައްކަތް ފަށައިފި

ހއ. ބާރަށުގައި އިމާރާތްކުރާ ޕޮލިސް ސްޓޭޝަންގެ ޢަމަލީ މަސައްކަތް ފަށައިފި އެވެ.

މި މަސައްކަތުގެ ކޮންޓްރެކްޓަރު، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސި) އިން ވިދާޅުވީ ބާރަށު ޕޮލިސް ސްޓޭޝަންގެ ޢަމަލީ މަސައްކަތްތައް އެ ކުންފުނިން މިހާރު ފަށާފައިވާ ކަމަށެވެ. އެގޮތުން، މި މަޝްރޫޢުގެ ދަށުން މިހާރު ކުރިއަށް ދަނީ މަސައްކަތް ފެށުމަށް އެތަން ކޮނުމުގެ މަސައްކަތްތައް ކަމަށް އެމްޓީސީސީން ވިދާޅުވިއެވެ.

Project Update: Construction of Ha. Baarah Police Station

We have completed the landmarking. Excavation for footings are ongoing.

Follow more updates at: https://t.co/SfVAzkW2pp #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/9g0lGn19zv

— MTCC Plc (@MTCCPlc) January 27, 2026

އެމްޓީސީސީ އިން އިތުރަށް ވިދާޅުވީ، މި މަޝްރޫއުގެ ދަށުން 5،200 އަކަފޫޓުގެ ސަރަޙައްދެއްގައި ޕޮލިސް އިމާރާތަކާއެކު ކުށްވެރިން ބައިތިއްބާ ގޮޅި ބަރިއެއް ހެދުމަށް ހަމަޖެހިފައިވާ ކަމަށެވެ. މީގެ އިތުރުން، ބިންގަނޑާއި ކޮންކްރީޓް އަދި މޭޝަނަރީ މަސައްކަތްތަކާއި، ޓައިލްސް ޖެހުމާއި، ދޮރާއި ކުޑަދޮރު ހަރުކުރުމާއި، ދަވާދު ލުމާއި، ދަގަނޑު މަސައްކަތާއި، ހައިޑްރޯލިކްސް އަދި ޑްރެއިނޭޖް މަސައްކަތްތަކާއި، ކަރަންޓު ވަޔަރުކުރުމުގެ މަސައްކަތް ވެސް ކުރިއަށްދާނެކަމަށް އެ ކުންފުނިން ވިދާޅުވިއެވެ.

ބާރަށުގައި ޕޮލިސް ސްޓޭޝަނެއް ޤާއިމުވެގެން ދިއުމަކީ ވަކިވަކި  ފަރުދުންނާއި، މުޅި ރަށުގެ އަމަން އަމާންކަން ދެމެހެއްޓުމަށް އެޅޭ މުހިންމު ފިޔަވަޅެއްކަން ފާހަގަކޮށްލެވެއެވެ.