ފިލިޕީންސް އަށް 6 މެގްނިޓިއުޑް ބާރުމިނުގައި ބިންހެލުމެއް އަތުވެއްޖެ

ފިލިޕީންސް އަށް 6 މެގްނިޓިއުޑް ބާރުމިނުގައި ބިންހެލުމެއް އަތުވެއްޖެ އެވެ.

ބިންހެލުންތައް މޮނިޓަރކުރާ ޖަރުމަނުގެ ރިސާޗް ސެންޓަރު ފޯ ޖިއޯސައިންސަސް (ޖީއެފްޒެޑް) އިން ބުނީ ފިލިޕީންސްގެ މިންޑަނާއޯއަށް 6 މެގްނިޓިއުޑް ބާރުމިނުގައި ބިންހެލުމެއް އައިސްފައިވާ ކަމަށެވެ. އަދި މި ބިންހެލުން އައިސްފައި ވަނީ 10 ކިލޯމީޓަރު އަޑިން ކަމަށް ޖަރުމަނުގެ ރިސާޗް ސެންޓަރު ފޯ ޖިއޯސައިންސަސް އިން ބުނެފައިވާކަމަށް އެ ސަރަޙައްދުގެ ރިޕޯޓުތަކުން މަޢުލޫމާތުދެއެވެ.

މީގެ އިތުރުން، ބިންހެލުން އައިސްފައި ވަނީ 179،000 މީހުންގެ އާބާދީއެއް އޮންނަ މިންޑަނާއޯ އައިލެންޑްގެ ކޮޓަބާޓޯ ސިޓީގެ ދެކުނުން 103 ކިލޯމީޓަރު ދުރަށްކަމަށް މަޢުލޫމާތު ލިބެއެވެ.

ފިލިޕީންސް އަށް އައި މި ބިންހެލުމާ ގުޅިގެން އެއްވެސް ތަނަކަށް އަދި މީހަކަށް ގެއްލުމެއް ލިބުނު ކަމުގެ ރިޕޯޓެއް މިހާތަނަށް ލިބިފައެއް ނުވެއެވެ.