ޚަބަރު
އުގެނުމަށް ބޭނުންވާ ޒަރޫރީ ފެސިލިޓީތައް ފޯރުކޮށްނުދީ މިދިޔަ ސަރުކާރުން ދިޔައި މަލްޓީޕާޕަސް ހޯލްތައް އަޅަމުން!
ތަޢުލީމާއި ބެހޭ ވަޒީރު ޑރ އިސްމާޢިލް ޝަފީއު. ފޮޓޯ:ރައީސް އޮފީސް
ހުލާސާ
އުނގަންނައި ދިނުމަށް ބޭނުންވާ ޒަރޫރީ ކަންކަން ސްކޫލްތަކުގައި ފުރިހަމަ ނުކުރެވި ހުއްޓައި މިދިޔަ ސަރުކާރުން ދިޔަޢީ ސްކޫލްތަކުގައި މަލްޓީޕާޕަސް ހޯލްތައް އަޅަމުންކަމަށް ތަޢުލީމީ ވަޒީރު ޑރ އިސްމާޢިލް ޝަފީޢު ވިދާޅުވެއްޖެއެވެ.
“ހަފްތާ52” ޕްރޮގްރާމްގައި ވާހަކަފުޅު ދައްކަވަމުން ވަޒީރު ވިދާޅުވީ ކުރީ ސަރުކާރުން ސްކޫލުތަކަށް ވަރަށް ބޮޑަށް އިހުމާލުވެފައިވާ ކަމަށެވެ. އެގޮތުން މިދިޔަ 5 އަހަރު ސްކޫލުތަކަށް ބޭނުންވާ ޒަރޫރީ ކަންކަމާއި، އާބާތުރަފިލުވުމަށް އެކަށީގެންވާ މަސައްކަތް ކޮށްފައިނުވާކަން އެމަނިކުފާނު ފާހަގަކުރެއްވެވިއެވެ.
އަދި އެކަމުގެ ކަންބޮޑުވުން އެކި ސްކޫލުތަކުގެ ޕްރިންސިޕަލުން ހިއްސާ ކުރެއްވިކަމަށް ވަޒީރު ޝަފީޢު ވިދާޅުވިއެވެ. އެގޮތުން މިދިޔަ ފަސް އަހަރު ސްކޫލުތަކުގައި ކުލަލުމަށް ފައިސާ ނުލިބި ވާކަމަށް ކަމަށް ސްކޫލްތަކުގެ ޕްރިންސިޕަލުން ބުނެފައިވާކަން ވަޒީރު ފާހަގަކުރެއްވެވިއެވެ.
ވަޒީރު ވިދާޅުވީ މީގެއިތުރުންވެސް އެތައް ސަތޭކަ އިންފްރާސްޓްރަކްޗަރ ޕްރޮޖެކްޓްތައް ކުރީ ސަރުކާރުން ފެއްޓީ ސްކޫލުތަކަށް ބޭނުންވާ ޒަރޫރީ އެތައް ކަމެއް ހުއްޓާ، އެކަންކަމަށް އިސްކަން ނުދީ ކަމަށެވެ.
"އެ ޕްރޮޖެކްޓްތައް ފެށިއިރު ގިނަ ސްކޫލުތަކުގައި ހުރީ ފާޚާނާ ހަލާކުވެފައި، ލައިބްރަރީއެއް ނެތް، ކޮމްޕިއުޓަރު ލެބެއް ނެތް، ސައިންސް ލެބެއް ނެތް، އެހެންނަމަވެސް ތައުލީމު ފޯރުކޮށްދިނުމުގައި ޒަރޫރީ ފެސިލިޓީތަކާއި ދަރިވަރުންނަށް މުހިންމުވާ ފެސިލިޓީތައް މަރާމާތު ކުރުމެއް ނެތި މަލްޓިޕާފަސް ހޯލްތައް އެޅުމަށް މިދިޔަ ސަރުކާރުން ޕްރޮޖެކްޓްތައް ހިންގީ" ވަޒީރު ޝަފީޢު ވިދާޅުވިއެވެ.
މަލްޓިޕާފަސް ހޯލްތައް އެޅުމަށް ޕްރޮޖެކްޓްތައް ދީފައި ހުރިގޮތުން ދައުލަތުގެ ފައިސާ އެންމެ ރަނގަޅު ގޮތުގައި ބޭނުންނުކުރެވިވާކަމަށް ވަޒީރު ޝަފީޢު ވިދާޅުވިއެވެ.
