މަސްތުވާތަކެތީގެ ވިޔަފާރީގައި ކުޑަކުއްޖަކު ޝާމިލުކުރުވި ދެ މީހަކު ހައްޔަރުކޮށްފި

މަސްތުވާތަކެތީގެ ވިޔަފާރި ކުރުމުގެ ތެރޭގައި ކުޑަކުއްޖަކު ޝާމިލުކުރުވި ދެ މީހަކު ހައްޔަރުކޮށްފިއެވެ.

މާލެއަށް ނިސްބަތްވާ މި ދެ މީހުން ހައްޔަރުކޮށްފައިވަނީ ކުޑަކުއްޖަކު މެދުވެރިކޮށް މަސްތުވާތަކެތި އެއްތަނުން އަނެއްތަނަށް އުފުލައި، އެ ކުއްޖާ ކުށްކުރުވުމަށް ބޭނުންކޮށް އެކްސްޕްލޮއިޓް ކުރިކަމުގެ ތުހުމަތުގައެވެ.

މި މައްސަލާގައި ހައްޔަރުކޮށްފައި ވަނީ މ. ނާޒްލީމަންޒިލް، އުމުރުން 28 އަހަރުގެ ޙަސަން ނުޢާޒާއި ވ. ސެޓެލައިޓް، އުމުރުން 39 އަހަރުގެ އަޙްމަދު ނަޢީމެވެ.

މި ޚާއްޞަ އޮޕަރޭޝަން ހިންގާފައި ވަނީ ފެމިލީ އެންޑް ޗައިލްޑް ޕްރޮޓެކްޝަނާއި، ޑްރަގް އެންފޯސްމަންޓް އަދި ކައުންޓަރ ނާކޮޓިކްސް އިންޓެލިޖަންސް ގުޅިގެންނެވެ.މި މައްސަލައިގައި ނާޖާއިޒު ފައިދާ ނަގައި، ކުށްކުރުވުމަށް ބޭނުންކޮށްފައިވަނީ 16 އަހަރުގެ ދިވެހި ފިރިހެން ކުއްޖެކެވެ.

މި މައްސަލައިގައި ހައްޔަރުކުރި ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 15 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.

ފުލުހުން ދަނީ މި މައްސަލަ ތަޙުޤީޤު ކުރަމުންނެވެ.