ވަކި ބޭފުޅެއްގެ ދަރިއަކަށްވީތީ އެވޯޑަކަށް ނޮމިނޭޓްވުމަކީ ކުށެއްތޯ؟ ޢަލީ ޢާރިފް

މޯލްޑިވްސް ސްޕޯޓްސް އެވޯޑްސްގެ ނޮމިނޭޝަންތަކުގެ ތެރެއިން ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ދޮށީ ފިރިހެން ދަރިކަލުން އުމައިރު މުޙައްމަދު މުޢިއްޒު ނޮމިނޭޓްވުމާ ގުޅުވައިގެން ބައެއް ފަރާތްތަކުން އަމާޒުކުރަމުންދާ ފާޑުކިޔުންތަކަށް ރައީސުލްޖުމްހޫރިއްޔާގެ އޮފީހުގެ ވަޒީރު ޢަލީ ޢާރިފް ރައްދު ދެއްވައިފިއެވެ.

މިކަމާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައި ވަޒީރު ޢަލީ ޢާރިފް ވަނީ، ވަކި ބޭފުޅެއްގެ ދަރިއަކަށްވީތީ ސްޕޯޓްސް އެވޯޑަށް އުމައިރު ނޮމިނޭޓްވުމަކީ ކުށެއްތޯ ސުވާލު އުފައްދަވާފައެވެ. ވަޒީރު ފާހަގަކުރެއްވި ގޮތުގައި، އުމައިރުގެ އިތުރުން ނޮމިނޭޓްވި އަނެއް ހަތަރު ކުދިންގެ ތެރޭގައިވެސް ސިޔާސީ ބޭފުޅުންގެ ކުދިން އެބަތިއްބެވެ. އަދި އެ ކުދިންނަށް އެ ފުރުސަތު ލިބިފައިވަނީ އުމައިރު ފަދައިން އެކުދިންގެ ކިބައިގައި ހުރި ހުނަރުވެރިކަމުގެ ސަބަބުންކަން ފާހަގަކުރެއްވިއެވެ.

Sports Award ah Umyr nominate vumakee kushakah vee e’ee vaki beyfulheh ge kujjakah veema heyyeve? Aneh 4 kudhinge thereygai ves siyaasee beyfulhun ge kudhin ves ebathibbeve, e’ee Umyr fadha’in ekudhinves hunaruveri veema eve.

E’ kudhinge haqqu thakah araigathumakee minivan… pic.twitter.com/XBVH4PcGLi

— Ali Arif (@Ali__Arif) February 14, 2026

ވަޒީރު ޢަލީ ޢާރިފް އިތުރަށް ވިދާޅުވީ، ކުޑަކުދިންގެ ހައްގުތަކަށް އަރައިގަތުމަކީ މިނިވަން ނޫސްވެރިކަމެއް ނޫން ކަމަށާއި، އަދި އެއީ ސިޔާސީ މިނިވަންކަމެއް ވެސް ނޫން ކަމަށެވެ. މިފަދަ އަމަލުތަކަކީ ފާޅުކަން ބޮޑު ގޮތެއްގައި އެ ކުދިންގެ ހައްގުތަކަށް އަރައިގަތުން ކަމަށް ވިދާޅުވެ، ވަޒީރު ވަނީ އެކަން ހަރުކަށި އިބާރާތުން ކުށްވެރިކުރައްވާފައެވެ.