ރަމަޟާން މަހުގެ ހަނދުބެލުން މި މަހުގެ 17 ވާ އަންގާރަ ދުވަހުގެ ރޭ އޮންނާނެ ކަމަށް އިޢުލާންކޮށްފި

ސައުދީ އަރަބިއްޔާގެ ސުޕްރީމް ކޯޓުން، މިއަހަރުގެ ބަރަކާތްތެރި ރަމަޟާން މަހުގެ ހަނދުބެލުން މި ހިނގާ ފެބްރުއަރީ މަހުގެ 17 ވާ އަންގާރަ ދުވަހުގެ އިރުއޮއްސޭ ވަގުތު އޮންނާނެ ކަމަށް އިޢުލާންކޮށްފިއެވެ.

އުއްމުލްޤުރާ ކަލަންޑަރަށް ބަލާއިރު، ޝަޢުބާން މަހުގެ 1 ވަނަ ދުވަހަކީ 20 ޖެނުއަރީ 2026 ވީ އަންގާރަ ދުވަސް ކަމަށް ސުޕްރީމް ކޯޓުން ކުރިން ވަނީ ކަނޑައަޅާފައެވެ. އެހެންކަމުން، މި ހިނގާ ޝަޢުބާން މަހުގެ 29 ވަނަ ދުވަހަކީ ފެބްރުއަރީ 17 ވާ އަންގާރަ ދުވަހެވެ.

The Supreme Court Calls for Sighting the Crescent Moon of Ramadan on Tuesday Evening, 29 Sha’ban 1447 AH

The Supreme Court has called upon all Muslims throughout the Kingdom to sight the crescent moon of the month of Ramadan on the evening of Tuesday, 29/8/1447 AH according to… pic.twitter.com/OCb2DdLWUo

— 𝗛𝗮𝗿𝗮𝗺𝗮𝗶𝗻 (@HaramainInfo) February 15, 2026

ސުޕްރީމް ކޯޓުން ނެރުނު ބަޔާނުގައި ބުނެފައިވަނީ، އަންގާރަ ދުވަހުގެ އިރުއޮއްސޭ ވަގުތު ހަމަލޮލަށް ނުވަތަ ޓެލެސްކޯޕް ބޭނުންކޮށްގެން ރަމަޟާން މަހުގެ ހަނދު ފެނޭތޯ ބެލުމަށް ހުރިހާ މުސްލިމުންނަށް އިލްތިމާސްކުރާ ކަމަށެވެ. އަދި ހަނދު ފެނިއްޖެ މީހަކުނަމަ، ވީ އެންމެ އަވަހަކަށް ކައިރީގައި ހުރި ކޯޓަކަށް ގޮސް ހެކިބަސް ދިނުމަށް ނުވަތަ ކަމާބެހޭ މަރުކަޒުތަކަށް އަންގައި، ކޯޓަށް ދިއުމަށް އެހީތެރިކަން ހޯދުމަށްވެސް އެދިފައިވެއެވެ.

މީގެ އިތުރުން، ހަނދު ބެލުމުގެ ޤާބިލުކަން ހުރި ފަރާތްތަކުން މިކަމަށް ޚާއްޞަ ސަމާލުކަމެއް ދީ، އެކި ސަރަޙައްދުތަކުގައި މިކަމަށްޓަކައި އެކުލަވައިލެވިފައިވާ ކޮމިޓީތަކާ ގުޅިގެން މަސައްކަތް ކުރުމަށް ސުޕްރީމް ކޯޓުން ބާރުއަޅުއްވައެވެ. މިއީ މުޅި އިސްލާމީ އުންމަތަށް މަންފާކުރާނެ، ހެޔޮކަމުގެ މަތިވެރި މަސައްކަތެއްކަންވެސް އެ ކޯޓުގެ ބަޔާނުގައި ފާހަގަކޮށްފައިވެއެވެ.