“ހަފްތާ 52” ގެ ކާމިޔާބީތަކާއި ގުޅިގެން ޢާއިލީ ހަވީރެއް ބާއްވައިފި!

“ހަފްތާ 52” ގެ ކާމިޔާބީތަކާ ގުޅިގެން އިޖްތިމާއީ އަދި އާއިލީ ތަރައްޤީއަ ބެހޭ ވުޒާރާއިން "ބަދަހި ޢާއިލާ - އުފާވެރި  މުޖުތަމަޢު"، މިޝިޢާރުގެ ދަށުން 16 ނޮވެމްބަރ ވީ ހޮނިހިރު ދުވަހު ޚާއްޞަ ޢާއިލީ ހަވީރެއް ބާއްވައިފިއެވެ. 

މި ހަވީރުގެ މަޤްޞަދަކީ ޢާއިލީ މާޙައުލެއްގައި، އެވުޒާރާއިން ފާއިތުވި އަހަރުގެ ތެރޭގައި  ކުރެވުނުމަސައްކަތްތަކުން ހާޞިލުކުރެވުނު  ކާމިޔާބީތައް ރައްޔިތުންނާއި ހިއްސާކުރުން ކަަމަށް އެވުޒާރާއިން ވަނީ ބުނެފައެވެ.  އަދިއަންހެނުންނާއި، ކުޑަކުދިންނާއި، ނުކުޅެދުންތެރިކަން ހުންނަ ފަރާތްތަކާއި އަދިއިސްރަށްވެހިންނަށް އަމާޒުކޮށްކޮށްގެން ކުރިއަށް ގެންދެވުނު މަސައްކަތްތަކާއި،މިވުޒާރާއިން ފޯރުކޮށްދެމުން އަންނަ  ޚިދުމަތްތަކުގެ މަޢުލޫމާތު ރައްޔިތުންނަށް ފޯރުކޮށްދިނުން ކަމަށްވެސް އެވުޒާރާއިން ބުނެފައިވެއެވެ.

މި ހަވީރު ކުރިއަށް ގެންގޮސްފައިވަނީ 16 ނޮވެމްބަރުގެ ހަވީރު 16:00 އިން 18:00 އަށް، ހުޅުމާލެ ސެންޓްރަލް ޕާކުގައެވެ. މިގޮތުން ތަފާތު ގޭމް ސްޓޯލްތަކާއި، ބައުންސިންގް ކާސަލްއާއި ކާބޯތަކެތީގެ ސްޓޯލްތަކުގެ އިތުރުން، ތަފާތު މެސްކޮޓްތަކުގެ ހަރަކާތްތައް ޢާއިލީ ހަވީރުގައި ކުރިއަށް ދާނެއެވެ.

ޢާއިލީ ހަވީރުގައި އެ ވުޒާރާއާއެކު އިސްކޮށް ހަރަކާތްތެރިވާނީި ދަތުރުފަތުރާއި މަދަނީ އުދުހުންތަކާ ބެހޭ ވުޒާރާ އާއި ހައުސިންގް ޑިވެލޮޕްމަންޓް ކޯޕަރޭޝަނެވެ. އޭގެ އިތުރުން، އުރީދޫއާއި، މޯލްޑިވްސް ޕެންޝަން އެޑްމިނިސްޓއްރޭޝަން އޮފީހާއި މޯލްޑިވްސް ޕޮލިސްސަރވިސްއާއި، ނެޝަނަލް ސޯޝަލް ޕްރޮޓެކްޝަން އޭޖެންސީ، އަދި ފެމިލީ ޕްރޮޓެކްޝަން އޮތޯރިޓީއިންވެސް މި ހަވީރުގައި ބައިވެރިވުމަށްވަނީ ހަމަޖެހިފައިވާ ކަމަށް އެވުޒާރާއިން ބުނެފައިވެެއެވެ.

މި  ޚާއްޞަ  ހަވީރުގައި  އެ ވުޒާރާއިން  ފާއިތުވި  އެއް  އަހަރުގައި  ހާސިލުކުރެވިފައިވާ  ކާމިޔާބީތައް  ހިމެނޭ  ބުކްލެޓް  ލޯންޗް ކުރުންވެސް  ވަނީ ކުރިއަށް ގެންދެވިފައެވެ. މި ބުކްލެޓް  ލޯންޗް  ކޮށްދެއްވާފައިވަނީ  އިޖުތިމާޢީ  އަދި  ޢާއިލީ  ތަރައްޤީއާ  ބެހޭ  ވަޒީރު  ޑރ.  ޢާއިޝަތު  ޝިހާމެވެ.