ދުވާލު ކައިގެން ދެ މީހަކު ހައްޔަރުކޮށްފި

ރޯދަމަހު ދުވާލު ކައިގެން ދެ މީހަކު ހައްޔަރުކޮށްފިއެވެ.

މި މައްސަލައިގައި ހައްޔަރުކޮށްފައި ވަނީ ގދ. ވާދޫ / ޖަވާހިރުމާގެ، ރާއިފް އަލީ (25އ.) އަދި ސ. ފޭދޫ / ޔެލޯ ހައުސް، މުހައްމަދު ޝިއުނީޒް (41އ.)އެވެ. 

މި މައްސަލައާ ގުޅިގެން ކްރިމިނަލް ކޯޓުން ނެރުނު އަމުރުގައިވާގޮތުން، ރާއިފް ވަނީ މަގުމަތީގައި ޗުވިންގަމް ކައިފައެވެ. ނަމަވެސް ޝިއުނީޒްގެ މައްސަލައިގެ ތަފްސީލެއް އެ އަމުރުގައި ހާމަކޮށްފައެއް ނުވެއެވެ.

އެ އަމުރުގައި އިތުރަށް ހާމަކޮށްފައިވާ ގޮތުގައި، މި ދެ މީހުންނަކީ ވެސް ބަންދު ކުރުމާއި ހައްޔަރުގެ ރެކޯޑް އޮންނަ ދެ މީހުންނެވެ.

އެ މައްސަލައިގައި ރާއިފް ހަތް ދުވަހަށް ބަންދުކުރުމަށް އަދި ޝިއުނީޒް ފަސް ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.