ޚަބަރު
އޭސީއެއް ވަގަށް ނެގުމަށްފަހު ރޯދަ މަހުގެ ދުވާލު ކާން އިން ދިވެއްސަކު ހައްޔަރަށް!
ޝަހީދު ހުސެއިން އާދަމް ބިލްޑިންގ/ފޮޓޯ: ވަގުތު
އޭސީއެއް ވަގަށް ނެގުމަށްފަހު ރޯދަ މަހުގެ ދުވާލު ކާން އިން ދިވެއްސަކު ދިވެހި ފުލުހުންގެ ޚިދުމަތުން ހައްޔަރުކޮށްފި އެވެ.
މި މައްސަލައާއި ގުޅިގެން ފުލުހުން ހައްޔަރުކޮށްފައި ވަނީ އަބްދުﷲ ޝަރީފް (48އ) އެވެ. ފުލުހުން ވިދާޅުވީ، އޭނާ މައްޗަށް ކުރަނީ ވައްކަން ކުރުމުގެ ތުހުމަތު ކަމަށެވެ.
މި މައްސަލައިގެ ކޯޓު އަމުރުގައި ވިދާޅުވެފައިވަނީ، އޭނާ ހައްޔަރުކޮށްފައި ވަނީ މޯލްޑިވްސް ޑިޖިޓަލް ސާވިސް ތެރެއަށް ވަދެ ވައްކަން ކުރަން އުޅުނުކަމުގެ ތުހުމަތުގައި ކަމަށެވެ. ހަމަ އެހެންމެ، އެ އިމާރާތުގެ ކެމެރާ ޑައިރެކްޝަން ބަދަލުކޮށްފައިވާކަމަށް ބެލެވޭ ކަމަށާއި، އަދި ފުލުހުންނަށް އޭނާ ފެނުނުއިރު ރޯދަ މަހު ދުވާލު ވަގުތުގައި ކާން އިންކަމަށް ފުލުހުން މަޢުލޫމާތުދެއެވެ. ހަމަ އެހެންމެ، އޭނާގެ ކައިރީގައި ރޫޅާލާފައިވާ އޭސީ އައުޓްޑޯ ޔުނިޓަކާއި ރޫޅާލަން ބޭނުންކުރާ ޓޫލްސް ފެނިފައިވާ ކަމަށް ފުލުހުން ވިދާޅުވިއެވެ.
މީގެ އިތުރުން، އަބްދުﷲ ޝަރީފްގެ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން 5 ދުވަހަށް ކަސްޓޯޑިއަލް ޖަލެއްގައި ބަންދުކުރުމަށް އަމުރުކޮށްފައިވާކަމަށް ފުލުހުން ވިދާޅުވިއެވެ.
މި މައްސަލަ ފުލުހުން ގެންދަނީ އިތުރަށް ތަޙުޤީގުކުރަމުންނެވެ.
Ads by MSS
