ޚަބަރު
52 ހަފްތާގައި ކުރެވުނު މަސައްކަތްތައް ހާމަކޮށް ދަނޑުވެރިކަމާ ބެހޭ ވުޒާރާއިން ފޮތެއް ނެރެފި
ދަނޑުވެރިކަމާ ބެހޭ ވަޒީރު ޑރ ޢާއިޝަތު ރަމީލާ. ފޮޓޯ: ވުޒާރާ
ފާއިތުވި 522 ހަފްތާގައި ދަނޑުވެރިކަމާ ދިރޭ ތަކެއްޗާއި ބެހޭ ވުޒާރާއިން ކުރެވުނު މަސައްކަތްތައް ހާމަކޮށް އެވުޒާރާއިން ފޮތެއް ނެރެފިއެވެ.
އެ ފޮތް ނެރެދެއްވީ އެވުޒާރާގައި މިއަދު ހެނދުނު ބޭއްވި ހާއްސަ ރަސްމިއްޔާތެއްގައި ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ އާއިޝަތި ރަމީލާއެވެ.
މިއަދަށް ސަރުކާރަށް އެއްއަހަރު ފުރުނުއިރު ދަނޑުވެރިކަމާއި ދިރޭ ތަކެއްޗާއި ބެހޭ ވުޒާރާއިން ހަފްތާ 14 ގައި ކުރެވުނު މަސައްކަތްތަކާއި، މި ދާއިރާގައި ރާއްޖޭގެ އެކި އެކި ހިސާބުތަކުގައި ކުރެވިފައިވާ މުހިއްމު މަސައްކަތާއި، ބޭރުގެ އެހީގައި ހިނގަމުންދާ ޕްރޮޖެކްޓްތަކާއި ހޯދިފައިވާ ކާމިޔާބީތަކުގެ އިތުރުން ވުޒާރާއިން ބާއްވާފައިވާ އެކި އެކި ބައްދަލުވުންތަކާއި ތަފާސް ހިސާބުތައްވެސް ވަނީ ހިމަނަފާއިވެއެވެ.
އެފޮތުގައި ރާއްޖޭގައި ފުރަތަމަ ފަހަރަށް ފާހަގަކުރެވުނު ޖަނަވާރުންގެ ދުވަހާއި މިއަހަރުގެ ރާއްޖޭގެ ދަނޑުވެރިންގެ ދުވަސް އަދި ދުނިޔޭގެ ކާބޯތަކެތީގެ ދުވަހު ހިންގުނު ހަރަކާތްތަކައްވެސް ހިމަނާފާވެއެވެ.
ހަފްތާ 14 ގެ ދަށުން ޕައިލެޓް ކުރެވުނު ވާރޓިކަލް ފާމިންގެ އިތުރަށް ރާއްޖެއަށް ފުޅާކުރުމަށް މިނިސްޓްރީއިން މިވަގުތު ޕްލޭންކޮށްފައިވާ ގޮތުގެ މައްޗަށްވެސް އަލި އަޅުވާލާފައިވެއެވެ.
އަދި އޭގެ އިތުރުންވެސް "52 ހަފްތާ ދަނޑުވެރިކަމާއި ދިރޭތަކެއްޗާއި ބެހޭ ވުޒާރާގެ ކާމިޔާބީތައް 2024" ގެ ނަމުގައި ނެރުނު އެފޮތުގައި މިހާރުވެސް ވުޒާރާގެ ބަޖެޓްގައި ހިމެނިގެން ހިންގާ ޕްރޮގްރާމްތަކުގެ މަޢުލޫމާތާއި ކުރިޔަށް ޕްލޭން ކޮށްފައިވާ ބައެއްކަންކަން ހިމަނާފައިވެއެވެ.
