މޮރިޝަސްއިން ސިޔާސީ ގުޅުން ކަނޑާލިޔަސް މޮރިޝަސްއަށް ހައްޤު ނޫން ތަނެއް ހައްޤެއްނުވާނެ: ރަޢީސް މުޢިއްޒު

ދިވެހިރާއްޖެ އާއި މޮރިޝަސްއާ ދެމެދު އޮތް ސިޔާސީ ގުޅުން މޮރިޝަސްއިން ކަނޑާލި ކަމުގައި ވީނަމަވެސް، މޮރިޝަސްއަށް ހައްޤު ނޫން ތަނެއް އެ ގައުމަށް ހައްޤުކަމަށް ނުވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް މިފަދައިން ވިދާޅުވީ މިއަދު ނޫސްވެރިންނާ ބައްދަލުކުރައްވައި ދެއްކެވި ވާހަކަފުޅުގައެވެ.

ރައީސް މުއިއްޒު ވިދާޅުވީ، މޮރިޝަސްއިން ރާއްޖެއާ އެކު އޮތް ގުޅުން ކަނޑާލުމަކީ ވަރަށް ތާކުން ތާކު ނުޖެހޭ ކަމެއް ކަމަށެވެ. އެ މަނިކުފާނު މި ނިންމުން ސިފަކުރެއްވީ ވަރަށް ތަސައްރަފު ނުފުދޭ ނިންމުމެއްގެ ގޮތުގައެވެ.

"މޮރިޝަސްއިން ރާއްޖެއާ އޮތް ސިޔާސީ ގުޅުން ކަނޑާލުމަކީ، ވަރަށް ތާކުން ތާކު ނުޖެހޭ، ވަރަށް އިމެޗުއާ، ވަރަށް ނައިވް ނިންމުމެއް. އެ ނިންމުން އެހެން ނިންމުމަކުންނެއް ހަޤީގަތް ބަދަލެއް ނުވޭ. ރާއްޖެއާ ސިޔާސީ ގުޅުން ކަނޑާލިޔަސް މޮރިޝަސްއަށް ހައްޤު ނޫން ތަނެއް ހައްޤެއް ނުވާނެ،" ރައީސް ވިދާޅުވިއެވެ.

ޗާގޯސް ނުވަތަ ފޯޅަވައްސަކީ ރާއްޖޭގެ ހައްޤެއް ކަމުގައި ފާހަގަކުރައްވައި ރައީސް އިތުރަށް ވިދާޅުވީ، އެއްވެސް ގައުމަކަށް ޗާގޯސް ހަވާލުކުރަންޏާ ހަވާލުކުރަން ވާނީ ދިވެހިރާއްޖެއާ ކަމަށެވެ. އަދި މޮރިޝަސް އިން ގުޅުން ކަނޑާލިޔަސް ހަޤީގަތް ބަދަލެއް ނުވާނެ ކަމަށް ވެސް އެ މަނިކުފާނު ތަކުރާރުކުރެއްވިއެވެ.

ކުރީ ސަރުކާރުން ކަނޑުގެ އިން ކަނޑައެޅުމުގެ މައްސަލާގައި އަމަލުކުރި ގޮތުން ގެއްލުނު ކަނޑުގެ ސަރަހައްދު ހޯދުމަށް މަސައްކަތްކުރެއްވުމަކީ ރައީސް މުއިއްޒުގެ ރިޔާސީ ވައުދުފުޅެކެވެ. މި މައްސަލައިގައި ރާއްޖޭގެ މަސްލަހަތު ހިމާޔަތްކުރުމަށް ސަރުކާރުން އިސްކަންދޭނެ ކަމަށް މީގެ ކުރިންވެސް ވަނީ ބުނެފައެވެ.

މިހާރު ސަރުކާރުން އަންނަނީ އެކަމުގައި އެޅޭނެ ގާނޫނީ އަދި ފަންނީ ފިޔަވަޅުތައް ބަލައި، ޑިޕްލޮމެސީ މެދުވެރިކޮށް މި މައްސަލައަށް ހައްލުތަކެއް ހޯދުމަށް ބައިނަލްއަގުވާމީ މައިދާނުގައި މަސައްކަތްކުރަމުންނެވެ.