ޤައުމެއްގެ އިޖުތިމާޢީ ތަރައްޤީގެ އަސާސަކީ އަންހެނުން: ވަޒީރު އާދަމް ޝަރީފް

ޤައުމެއްގެ އިޖުތިމާޢީ ތަރައްޤީގެ އަސާސަކީ އަންހެނުންކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ.

ވަޒީރު މިފަދައިން ވިދާޅުވީ، މިއަދު ފާހަގަކުރަމުންދާ ބައިނަލްއަޤްވާމީ އަންހެނުންގެ ދުވަހުގެ ތަހުނިޔާ ފޮނުއްވަމުން ދެއްވި ޚާއްޞަ މެސެޖުގައެވެ.

ވަޒީރުގެ މެސެޖުގައި ވިދާޅުވީ، ޢާއިލާގެ ބިންގަލަކީ އަންހެނުން ކަމަށެވެ. އެގޮތުން، ދަރިން ބެލުމާއި، ތަރުބިއްޔަތުކުރުމާއި، ޢާއިލާގެ ކަންކަން ބެލެހެއްޓުމުގައި އަންހެނުން އަދާކުރާ ދައުރު ބޮޑު ކަމަށާއި، އޯގާތެރި، އަޅާލާ މުޖުތަމަޢެއް ބިނާވަނީ އެ ފަދަ ޢާއިލާތަކުން ކަމަށް ވަޒީރު ވަނީ ފާހަގަކުރައްވާފައެވެ. އަދި އުފާވެރި ޢާއިލާއެއް ބިނާ ކުރުމާއި، ދިރިއުޅުން ބައްޓަން ކުރުމުގައި، އަންހެނުންގެ ދައުރު ފާހަގަކޮށްލަން ޖެހޭކަމަށް ވަޒީރުގެ މެސެޖުގައި ވިދާޅުވެފައި ވެއެވެ.

ރާއްޖޭގެ ސިޓީތަކާއި، އަތޮޅުތަކާއި، ރަށްތައް އިޖުތިމާޢީ ގޮތުންނާއި، އިޤްތިޞާދީ ގޮތުން ކުރިއަރައި، އިޖުތިމާޢީ ޢަދާލަތު ޤާއިމުކުރުމަށް ޓަކައި ރައްޔިތުންނާއެކުގައި މަސައްކަތްކުރުމަކީ ދިވެހިޖުމްހޫރިއްޔާގެ ޤާނޫނުއަސާސީ ބާރުއަޅާ ކަމެކެވެ. އެ މަގުން ކަންކަން ތަރުތީބު ކުރުމަށް އެންމެ ބޮޑަށް މަގުފަހިކޮށްދެނީ ލާމަރުކަޒީ ނިޒާމުން އަންހެނުން.

ވަޒީރު ވިދާޅުވިއެވެ.

އަންހެނުންގެ ދުވަހާ ގުޅިގެން ވަޒީރު ދެއްވި މެސެޖުގައި ވިދާޅުވި ގޮތުގައި، ލާމަރުކަޒީ ނިޒާމުގައި އަންހެނުންގެ ޝާމިލުވުމާއި، ބައިވެރިވުން އިތުރުކުރުމަށް ޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޒަޢާމަތުގައި ގިނަގުނަ މަސައްކަތްތަކެއް ދަނީ ކުރެވެމުންނެވެ. އަދި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ދައުރު ފުޅާކޮށް، އެ ކޮމެޓީތަކުގެ މަސައްކަތަށް ފަހިކަން ގެނައުމަށްޓަކައި ފުރިހަމަ ކުރަންޖެހޭ ނިޒާމީ ކަންކަމާއި، އިދާރީ ކަންކަމާއި، އަދި އިސްތިޖާރީ ކަންކަން ވެސް މިހާރު ކުރެވެމުންދާކަމަށް ވަޒީރު ވިދާޅުވިއެވެ.