މަސްވެރިންގެ ދުވަހާއި ގުޅިގެން ފަރުމަސްވެރިކަމުގެ މުބާރާތެއް ބާއްވަނީ

މިއަހަރުގެ މަސްވެރިންގެ ދުވަހާއި ގުޅިގެން ފަރުމަސްވެރިކަމުގެ މުބާރާތެއް ބޭއްވުމަށް މަސްވެރިކަމާ ކަނޑުގެ ވަޞީލަތްތަކާ ބެހޭ ވުޒާރާއިން ނިންމައިފިއެވެ. 

މަސްވެރިންގެ ދުވަހާއި ގުޅިގެން ބާއްވާ މި މުބާރާތުގައި ބައިވެރިވުމަށް މިހާރު އެވުޒާރާއިން ވަނީ ހުޅުވާލައިފައެވެ.މިމުބާރާތް ބޭއްވުމަށް ހަމަޖެހިފައިވަނީ ޑިސެމްބަރު ހަ ވަނަ ދުވަހުއެވެ.

އެ ވުޒާރާއިން ބުނެފައިވަނީ މި މުބާރާތަކީ ސަރުކާރުގެ މުވައްސަސާތަކާއި ކުންފުނިތަކުގެ ދަށުން ރަޖިސްޓަރކޮށްފައިވާ ނުވަތަ އަމިއްލަގޮތުން ރަޖިސްޓަރކޮށްފައިވާ ޖަމްއިއްޔާ ޖަމާއަތްތަކަށް ހުޅުވާލައިގެން ބާއްވާ މުބާރާތެއް ކަމަށެވެ.

އެ އިޢުލާނުގައި ވަނީ މި މުބާރާތުގައި ބައިވެރިވާން އެދޭ ފަރާތްތަކުން އަންނަ އާދިއްތަ ދުވަހުގެ 12:00 ގެ ކުރިން ގޫގުލް ފޯމް ފުރިހަމަ ކުރުމަށް އެދިފައެވެ.

އަދި މިކަމާ ގުޅޭ އިތުރު މައުލޫމާތު 3339225 / 3339270 އާ ގުޅައިގެން ކުރިއަށް ގެންދިއުމަށް އެ އިޢުލާނުގައި ވެއެވެ.