ވަކި ބަޔަކަށް ފައިދާވާގޮތަށް އާސަންދައިން ހަދާފައިވާ އެއްބަސްވުންތައް އުވާލަންޖެހޭ: ނާޒިމް

ވަކި ބަޔަކަށް ފައިދާވާގޮތަށް އާސަންދައިން ހދާފައިވާ އެއްބަސްވުންތައް އުވާލަންޖެހޭ ކަމަށް ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަޙްމަދު ނާޒިމް ވިދާޅުވެއްޖެއެވެ. 

2025 ވަނަ އަހަރަށް ލަފާކޮށް ސަރުކާރުން ހުށައަޅައިފައިވާ ބަޖެޓަށް ބަހުސް ކުރައްވަމުން ސަރުކާރު ކުންފުނިތަކަކީ ލޭ މަނާނުވެ، ލޭ އަންނަމުންދާ ސަރުކާރުގެ ވަރަށް ބޮޑު ޒަހަމެއް ކަމަށް ދިއްގަރު ދާއިރާގެ މެމްބަރު ނާޒިމް ސިފަކުރެއްވެވިއެވެ. 

މިދިޔަ އަހަރު ވެސް 940 މިލިއަން ރުފިޔާ ވަނީ ކުންފުނިތަކަށް ދެވިފައި ވާކަމަށާއި، އެ ކުންފުނިންތައް ރަނގަޅުވާތަން ނުފެންނަ ކަމަށްވެސް ނާޒިމް ވިދާޅުވިއެވެ.

މީގެއިތުރުން ކޮރަޕްޝަންކަންތައް ހުއްޓޭ ތަންވެސް ނުފެންނަ ކަމަށާއި،  ކޮރަޕްޝަނާއި ގުޅޭގޮތުން ކުރިން ވެސް ފެންނަ ސުރުހީތައް މިހަރު ވެސް ދަނީ ފެންނަމުން ކަމަށް ނާޒިމް ވިދާޅުވިއެެވެ. ނާޒިމް ވަނީ ސަރުކާރު ކުންފުނިތަކާއި މެދު ފިޔަވަޅު އެޅުމަށް ގޮވާލާފައެވެ. އަދި އެކަން ކުރަން މާލީ ވަޒީރު މޫސާ ޒަމީރަށްކެރިވަޑައިގަންނަވަން ޖެހޭނޭ ކަމަށް ނާޒިމްް ވިދާޅުވިއެވެ.

އެ ކުންފުނިތަކުގެ ބަދަލުވެރިކަން މިހާތަނަށް އޮތް ޕީސީބީ އުވާލައްވައި ވުޒާރާގެ ދަށަށް ޕީސީބީގެ މަސައްކަތްތައް ގެންދެވުމަށް ވިސްނާފައިވާ ދަނޑިވަޅެއްގައި އެސްއޯއީތައް އިސްލާޙުކުރުމަށް މަސައްކަތް ކުރައްވައި އެކަން ކަން ރަނގަޅުކުރާ ފަރާތަކީ ވަޒީރު ޒަމީރު ކަމުގައިވުމަށް ނާޒިމް ވިދާޅުވިއެވެ

ނާޒިމް ވިދާޅުވީ އެސްއޯތީތައް މިހާރު ހިނގަމުންދާ ގޮތަށްދާނަމަ ފެންނާނީ އެއް ނަތީޖާއެއް ކަމަށެވެ.

ކުރިން ހެދިފައި ހުރި އެއްބަސްވުންތައް ހުރިގޮތުން ކޮރަޕްޝަންގެ ކަންކަން އަދިވެސް ހިންގަމުންދާ އެންމެ ބޮޑު އެއް ދާއިރާއަކީ ސިއްޙީ ނިޒާމު ކަމަށެވެ. އެގޮތުން އިންޖެކްޝަނެއް ޖަހަން އާސަންދަ އިން 24،000 ރުފިޔާ ކޮންމެ މީހަކު ޚަރަދުކުރަން ޖެހޭ މައްސަލަ ނާޒިމް ފާހަގަކުރެއްވެވިއެވެ.

އެ މައްސަލައިގެ ތަފްސީލަށް ބެލިއިރު މިދިޔަ ދެ އަހަރު ތެރޭގައި 1،000 އަށް ވުރެ ގިނަ އެފަދަ އިންޖެކްޝަން އާސަންދަ ކުންފުނިން ގަނެފައިވާކަން ފެންމަތިވެފައިވާ ކަމަށް ވިދާޅުވިއެވެ. އަދި އެ ކުންފުންޏަށް 24 މިލިއަން ރުފިޔާ ދައުލަތުން ދީފައިވާ އިރު އޭގެ އަސްލު އަގު ފަސް މިލިއަން ރުފިޔާއަށް ވެސް ނާރާ ކަމަށް ނާޒމް ވިދާޅުވިއެވެ.