ޅ.ކުރެންދޫއަށް ވާރޭވެހި ފެންބޮޑުވެ 70 ގެއަކަށް ފެންވަދެއްޖެ: އެންޑީއެމްއޭ

ޅ.ކުރެންދޫއަށް ބޯކޮށް ވާރޭވެހި ފެންބޮޑުވެ 70 ގެއަކަށް ފެންވަދެފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ އިން ބުނެފިއެވެ. 

އެންޑީއެމްއޭ އިން ބުނެފައިިވަނީ ޅ.ކުރެންދޫއަށް ބޯކޮށް ވާރޭވެހި ރަށުތެރޭ އެއްކޮށް ފެންބޮޑުވެ ފެންހިއްކުމަށް ރަށުގައި ހުރި ޕަންޕު ބޭނުންކޮށްގެންނާއި، ކޯރު ކަނޑަައިގެން ފެން ހިންދުމުގެ މަސައްކަތް ދަނީ ކުރަމުންކަމަށެވެ. 

އަދި އެރަށުގައި ބޮޑުވެފައިވަ ފެންގަނޑު ހިންދުމުގެ މަސައްކަތުގައި ނޮދަން އޭރީއާ ކޮމާންޑުގެ ސިފައިން މިވަގުތު ދަނީ ހަރަކާތްތެރިވަމުންކަމަށެވެ. 

މީގެއިތުރުން އެންޑީއެމްއޭ އިން ބުނެފައިވަނީ ފެންބޮޑުވެ ގެއްލުންލިބުނު ގެތަކުގެ ތެރެއިން ދިރިނޫޅެވޭފަދަ ޙާލަތަށް ގޮސްފައިވާ ގެތައް ދެނެގަނެ އެފަރާތްތަކަށް ބޭނުންވާ ވަގުތީ ބޯހިޔަވަހިކަމާއި ކެއިންބުއިމުގެ އެހީތެރިކަން ފޯރުކޮށްދިނުމުގެ މަސައްކަތް އެއޮތޯރިޓީ އިން އެރަށު ކައުންސިލާއި ގުޅިގެން ކުރަމުންދާކަމަށްވެސް ވަނީ ބުނެފައިވެއެވެ. 

މިހާދިސާގައި 70 ވަރަކަަށް ގެއަށް ފެންވަދެ ބޮޑެތި ގެއްލުންތަކެއް ލިބިފައިވާ ކަމަށާއި ލިބިފައިވާ ގެއްލުންތައް ދެނެގަތުމުގެ މަސައްކަތް ދަނީ ކުރެވެމުން ކަަމަށްވެސް އެންޑީއެމްއޭ އިން ބުނެފައިވެއެެވެ.