އިނގުރައިދޫގައި މަސައްކަތްތެރިކަމުގެ މަޢުރަޟެއް ބާއްވަނީ

މަސައްކަތްތެރިންގެ މަސައްކަތް އެއްތާކުން ފެނި ރަށުގެ މަސައްކަތްތެރިކަމާއި، ސަގާފަތް ދައްކާލުމާއި ، ރަށުގެ ނަން ދިރުވާ އާލާކުރުމަށް މާޅޮސްމަޑުލު އުތުރުބުރީ އިނގުރައިދޫ ކައުންސިލުން މަސައްކަތްތއެިންގެ މަޢުރަޟެއް ބޭއްވުމަށް ނިންމައިފިއެވެ.

އިނގުރައިދޫ އަކީ ތަފާތު މަސައްކަތްތެރިން ގިނަ ، މުޅިރާއްޖެއިންވެސް ވަޑާމުގެ ރޮނގުން މަޝްހޫރު ރަށެކެވެ.

އިންގުރައިދޫ ކައުންސިލުން ހާމަކޮށްފައިވާ ގޮތުގައި މި މަޢުރަޟުގެ މައިގަނޑު މަޤްޞަދަކީ ރަށުގެ ނަން ދިރުވާ އާލާކޮށް އާމްދަނީ ލިބޭނެ ފަހި ފުރުޞަތުތައް ރައްޔިތުންނަށް ތަނަވަސް ކޮށްދިނުމެވެ. މިއީ ފަތުރުވެރިންނަށް ޚާއްޞަކޮށްގެން ބޭއްވޭ މަޢުރަޞެކެވެ. މި މަޢުރަޟު ބޭއްވުމަށް ހަމަޖެހިފައިވަނީ 14 ޑިސެންބަރު ވާ ހޮނިހިރު ދުވަހުއެވެ.

މިމަޢުރަޟުގައި އެހާރާ މިހާރުގެ މަސައްކަތްތެރިކަމަށް ބޭުނުންކުރި ސާމާނާއި، ދިވެހިންގެ ސަގާފީ ރަހަތަކާޢި ، ދިވެހި އުފެއްދުންތައް ހިމެނޭ ކާބޯތަކެތި ތައްޔާރުކޮށް ބެހެއްޓުމުގެ ފުރުޞަތު ވަނީ ހުޅުވާލާފައެވެ. އަދި މި މަޢުރަޟުގައި ބަހައްޓާ ތަކެތި ވިއްކައިގެން ލިބޭ ފައިސާ ޙަވާލުކުރުމަށް ހަމަޖެހިފައިވަނީ އެތަކެތީގެ ވެރިފަރާތަށެވެ.

މަޢުރަޟުގައި ތަކެތި ބައިވެރިކުރުމަށް ބޭނުންވާ ފަރާތްތަކުން 1 ޑިސެންބަރު 2024 ވާ އާދީއްތަ ދުވަހުގެ މެންދުރު ފަހު 14:00 ގެ ކުރިން ކައުންސިލް އިދާރާގައި ނަންނޯޓް ކުރުމަށް ވަނީ ބުނެފައެވެ.