ކްލައިމެޓް ޗޭންޖާ ގުޅޭ މަސައްކަތްތައް އިތުރަށް ހަރުދަނާކުރުމަށް ސެމިނާއެއް ބާއްވައިފި

މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނާރޖީން ފާއިތުވި 52 ހަފުތާގެ ތެރޭގައި ހޯދާފައިވާ ކާމިޔާބީތައް ފާހަގަކުރުމަށް ބާއްވަމުންދާ ހަތަރު ދުވަހުގެ ސެމިނަރ ސީރީޒްގެ އެންމެ ފަހު ދުވަހުގެ ފުރަތަމަ ސެޝަން މިއަދު ބޭއްވިއްޖެއެވެ. މި ސެޝަން ޚާއްޞަކުރެވިފައިވަނީ ކްލައިމެޓް ދާއިރާއަށެވެ.

މިއަދުގެ ސެމިނަރގައި، މިނިސްޓްރީއާއި އެ މިނިސްޓްރީއާ ގުޅިފައިވާ އޮފީސްތަކުން ކްލައިމެޓް ދާއިރާގައި ކުރަމުންދާ މަސައްކަތްތަކާ ގުޅޭ ޕްރެޒެންޓޭޝަނެއް ހުށަހެޅުނެވެ. މި ޕްރެޒެންޓޭޝަނުގައި، ފާއިތުވި އަހަރު ތެރޭގައި ކްލައިމެޓް ޗޭންޖާ ގުޅޭގޮތުން ކުރެވުނު މުހިންމު މަސައްކަތްތަކާއި، ހާސިލުކުރެވުނު ލަނޑުދަނޑިތަކުގެ މައުލޫމާތު ހިއްސާކުރެވުނެވެ.

މިނިސްޓްރީގެ އިސް ވެރިއެއް ވިދާޅުވި ގޮތުގައި، މި ސެމިނަރ ސީރީޒްގެ މަޤްޞަދަކީ ސަރުކާރުގެ މަސައްކަތްތަކުގެ ހާމަކަން އިތުރުކޮށް، ރައްޔިތުންނަށް މަޢުލޫމާތު ފޯރުކޮށްދިނުމެވެ. އަދި ކުރިއަށް އޮތް ދުވަސްތަކުގައިވެސް ކްލައިމެޓް ޗޭންޖާ ގުޅޭ މަސައްކަތްތައް އިތުރަށް ހަރުދަނާކުރުމަށް މަސައްކަތްކުރާނެ ކަމަށް އެ ވެރިޔާ ވިދާޅުވިއެވެ.

މި ސެމިނަރ ސީރީޒްގައި ބައިވެރިވި ފަރާތްތަކުން ފާހަގަކުރި ގޮތުގައި، މިފަދަ ހަރަކާތްތަކުން ސަރުކާރުގެ މަސައްކަތްތަކާ ގުޅޭގޮތުން ރައްޔިތުންގެ ހޭލުންތެރިކަން އިތުރުވެ، ތިމާވެށި ރައްކާތެރިކުރުމުގެ މުހިންމުކަން އާންމުންނަށް އިތުރަށް އޮޅުންފިލައެވެ.

މި ސެމިނަރ ސީރީޒް ނިމުމަކާ ހަމައަށް އައުމާއެކު، މިނިސްޓްރީން ވަނީ ކުރިއަށް އޮތް އަހަރުގެ ތެރޭގައި ހާސިލުކުރަން ބޭނުންވާ ލަނޑުދަނޑިތަކެއް ކަނޑައަޅާފައެވެ. މީގެ ތެރޭގައި، ކާބަން ބޭރުކުރާ މިންވަރު މަދުކުރުމާއި، އިޔާދަކުރަނިވި ހަކަތައަށް ބަރޯސާވުން އިތުރުކުރުން ހިމެނެއެވެ.

#Haftha52 ހޭޝްޓެގް ދަށުން މި ސެމިނަރ ސީރީޒްގެ މަޢުލޫމާތު ސޯޝަލް މީޑިއާގައި ހިއްސާކުރެވެމުންދާކަން ފާހަގަކުރެވެއެވެ.