ނަތަންޔާހޫ ހައްޔަރުކުރަން ނެރުނު އަމުރަށް ރައީސް މުއިއްޒު މަރުޙަބާ ދަންނަވައިފި

އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ ހައްޔަރުކުރަން އިންޓަރނޭޝަނަލް ކްރިމިނަލް ކޯޓު ( އައިސީސީ) އިން ނެރުނު އަމުރަށް ރައީސުލްޖުމްހޫރިއްޔާ ޑރ މުޙައްމަދު މުއިއްޒު މަރުޙަބާ ދަންނަވައިފިއެވެ. 

ރައީސް ޑރ މުޢިއްޒު އައިސީސީގެ އަމަުރަށް މަރުޙަބާ ދަންނަވައިފައިވަނީ އެމަނިކުފާނު އެކްސްގައި ކުރެއްވެވި ޕޯސްޓެއްގައެވެ. 

ރައީސް މުޢިއްޒުގެ ޕޯސްޓުގައި ވިދާޅުވެފައިވަނީ އައިސީސީގެ ނިންމުމަށް ރާއްޖެއިން މަރުޙަބާ ކިޔާ ކަމަށާއި މިއީ ހަނގުރާމައިގެ ޖަރީމާތަކާއި އިންސާނިއްޔަތާ ޚިލާފު ޖަރީމާތަކަށް ޒިންމާދާރުކުރުވުމަށް އެޅނޭޭ މުހިންމު ފިޔަވަޅެއް ކަމަށް އެމަނިކުފާނު ވަނީ ވިދާޅުވެފައެވެ. 

އަދި ރާއްޖެއިން އައިސީސީގެ ނިންމުމަށް އިޙުތިރާމުކުރާ ކަމަށާ އެ ކޯޓުގެ ނިންމުން ތަންފީޒުކުރުމުގެ މުހިންމުކަމުގެ މައްޗަށ ްއެމަނިކުފާނުގެ ޕޯސްޓުގައި ބާރު އަޅުއްވާފައިވެއެވެ.

The #Maldives welcomes the @IntlCrimCourt's decisions today with regard to the situation in the State of Palestine. This is a crucial step towards ensuring accountability for war crimes and crimes against humanity.

The Maldives respects the decisions of the ICC and underscores…

— Dr Mohamed Muizzu (@MMuizzu) November 21, 2024

މެދުއިރުމަތީގެ ސުލްޙައަށް ޓަކައި ބައިނަލްއަޤްވާމީ ޤާނޫނުތައް ނަގަހައްޓައި ފަލަސްޠީނުގެ ރައްޔިތުންނަށް އިންސާފު ހޯދައިދިނުމަކީ ކޮންމެހެން ކުރަން ޖެހޭ ކަމެއް ކަމަށް ރައީސް މުޢިއްޒު ވިދާޅުވެފައިވެއެވެ.

އައިސީސީން އަމުރު ނެރެފައިވަނީ ނަތަންޔާހޫ އާއި އިޒްރޭލުގެ ކުރީގެ ޑިފެންސް މިނިސްޓަރު ހައްޔަރުކުރުމަށެވެ. އެ އަމުރުގައި ވާގޮތުން، އެމީހުން ހައްޔަރުކުރަން އަމުރު ނެރެނީ އޮކްޓޯބަރު 8، 2023އާއި މިއަހަރުގެ މެއި މަހުގެ 20އާ ހަމައަށް ހިންގައިފައިވާ ހަނގުރާމައިގެ އާއި އިންސާނިއްޔަތާ ޚިލާފު ޖަރީމާތަކުގެ ތުހުމަތުގައެވެ.

އައިސީސީއަކީ ޖަރީމާތަކާއި ހަނގުރާމައިގެ ޖަރީމާތަކާއި އިންސާނިއްޔަތާ ޚިލާފު ޖަރީމާތައް ފަދަ ބޮޑެތި ކުށްތައް ބެލުމަށް އުފައްދާފައިވާ ދުނިޔޭގެ ހަމައެކަނި މިނިވަން ކޯޓެވެ.

ނަމަވެސް މި ކޯޓަކީ ތަންފީޒީ ބާރެެއް ލިބިފައިވާ ކޯޓެއް ނޫނެވެ.