ސައިންސް

ވެރިސެލާ ނިއުމޯނިއާ: ބައްޔާބެހޭގޮތުން އެނގުން މުހިންމު ކަންކަން

ވެރިސެލާ ނިއުމޯނިއާ: ބައްޔާބެހޭގޮތުން އެނގުން މުހިންމު ކަންކަން

ވެރިސެލާ ނިއުމޯނިއާ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

23 ނޮވެމްބަރު 2024، 02:41

23 ނޮވެމްބަރު 2024، 02:41

ވެރިސެލާ، ނުވަތަ އާންމުކޮށް ޗިކަން ޕޮކްސް ނޫނީ ފާނަބަސަނދުގެ ނަމުން މަޝްހޫރު މި ބަލި، ގިނަފަހަރު ދެކެވެނީ ކުޑަކުދިންނަށް ޖެހޭ، އޭގެޒާތުގައި ރަނގަޅުވާ ބައްޔެއްގެ ގޮތުގައެވެ. ނަމަވެސް، މަދު ޙާލަތްތަކެއްގައި، މިއީ "ވެރިސެލާ ނިއުމޯނިއާ" އޭ ކިޔާ ނުރައްކާތެރި ބައްޔަކަށް ބަދަލު ވެދާނެ ކަމެކެވެ. މިކަން ޚާއްޞަކޮށް ބޮޑެތި މީހުންނަށާއި، މާބަނޑު އަންހެނުންނަށާއި، އަދި ދިފާޢީ ނިޒާމު ބަލިކަށި މީހުންނަށް ޖެހުމުގެ ފުރުޞަތު ބޮޑެވެ.

ސަމާލުވާންޖެހޭ އަލާމާތްތައް


ފާނަބަސަނދުގެ އާންމު އަލާމާތްތަކަކީ ހުންއައުމާއި ގައި ކެހުން ކަމުގައިވީ ނަމަވެސް، ވެރިސެލާ ނިއުމޯނިއާގައި މީގެ އިތުރުން އަންނަނިވި ކަންބޮޑުވާންޖެހޭ އަލާމާތްތައް ފެނެއެވެ:
- ދިގުދެމިގެންދާ ކެއްސުން ނުވަތަ ނޭވާލަން އުނދަގޫވުން.
- މޭގައި ރިހުން ނުވަތަ ހިތްއަވަސްވުން.
- ރަނގަޅުވުމުގެ ބަދަލުގައި ހުން އިތުރަށް ގަދަވުން
- ވަރުބަލިކަމާއި  ބަލިކަށިކަން.

މި އަލާމާތްތައް ފެންނަން ފަށަނީ ފާނަބަސަނދުގެ ކެހުން ފެށޭތާ 1-6 ދުވަހުގެ ތެރޭގައެވެ. މިފަދަ އަލާމާތްތައް ފެނިއްޖެނަމަ ވަގުތުން ސިއްޙީ އެހީތެރިކަން ހޯދަންޖެހެއެވެ. ފަރުވާ ނުކޮށްފިނަމަ، ވެރިސެލާ ނިއުމޯނިއާ އިން ފުއްޕާމޭގެ މަސައްކަތް ހުއްޓުމުގެ ސަބަބުން ފުރާނައަށް ނުރައްކާވެއެވެ.

ނުރައްކާ ބޮޑުވާ ފަރާތްތައް


ދޮށީއުމުރުގެ މީހުން: ޢުމުރުން ދުވަސްވީ މިންވަރަކަށް ވެރިސެލާ ނިއުމޯނިއާ ޖެހުމުގެ ނުރައްކާ އިތުރުވެއެވެ. ޚާއްޞަކޮށް ކުޑައިރު ފާނަބަސަނދު ނުޖެހޭ މީހުންނަށް މިފުރުސަތު ބޮޑެވެ.
މާބަނޑު މީހުން: މި ބަލީގެ ސަބަބުން މަންމައަށާއި ބަނޑުގައިވާ ދަރިފުޅަށް ގެއްލުން ލިބެއެވެ.
ދުންފަތުގެ އިސްތިޢުމާލު ކުރާ  މީހުން: ދުންފަތުގެ އިސްތިޢުމާލުކުރުމުން ނޭވާލާ ނިޒާމަށް ޖެހޭ ނުރައްކާތެރި އިންފެކްޝަންތަކަށް ހުށަހެޅުމުގެ ފުރުޞަތު އިތުރުވެއެވެ.
ދިފާޢީ ނިޒާމު ބަލިކަށި މީހުން: ހަށިގަނޑުގެ ދިފާޢީ ނިޒާމު ބަލިކަށި މީހުންނަށް މިކަމުގެ ނުރައްކާ އިތުރުވެއެވެ.

ބަލިން ރައްކާތެރިވުމަކީ އެންމެ މުހިންމު ކަންތައް


ވެރިސެލާ ނިއުމޯނިއާ އިން ރައްކާތެރިވުމުގެ އެންމެ ރަނގަޅު ގޮތަކީ ޗި

ވެރިސެލާ ނިއުމޯނިއާ އިން ރައްކާތެރިވުމުގެ އެންމެ ރަނގަޅު ގޮތަކީ ފާނަބަސަނދުން ރައްކާތެރިވުމެެވެ.  މިކަން ކުރެވޭނެ ގޮތްތަކަކީ:


ވެކްސިން ޖެހުން: ވެރިސެލާ ވެކްސިނަކީ ޗިކަން ޕޮކްސް އާއި އޭގެ ގެއްލުންތަކުން ރައްކާތެރިވުމަށް ވަރަށް ފައިދާހުރި އެއްޗެކެވެ.
ސާފުތާހިރުކަމުގެ އާދަތައް: ޗިކަން ޕޮކްސް ޖެހިފައިވާ މީހުންނާ  ދުރުހެލިވުން.
އަވަހަށް ފަރުވާ ހޯދުން: ބަލި ޖެހިފައިވާ މީހަކާ ގުޅުން ބޭއްވިއްޖެނަމަ، "އެސައިކްލޯވިރ" ފަދަ އެންޓިވައިރަލް ބޭސްތައް ބޭނުންކޮށްގެން ބަލީގެ ނުރައްކާތެރިކަން ކުޑަކުރެވިދާނެއެވެ.

ހޭލުންތެރިކަން މުހިންމުވާ ސަބަބު


ވެރިސެލާ ނިއުމޯނިއާ އިން އަޅުގަނޑުމެންނަށް ހަނދާންކޮށްދެނީ އާންމު ބަލިތައް ވެސް ނުރައްކާތެރި ނަތީޖާތަކަކަށް ވެދާނެކަމެވެ. އަލާމާތްތަކާއި ރައްކާތެރިވުމުގެ ގޮތްތަކާ ބެހޭގޮތުން އަޅުގަނޑުމެން އުނގެނުމަކީ، ޚާއްޞަކޮށް ނުރައްކާ ބޮޑު ގްރޫޕްތަކުގައި ހިމެނޭ މީހުންގެ ފުރާނަ ސަލާމަތްކުރެވިދާނެ ކަމެކެވެ. ޗިކަން ޕޮކްސް ޖެހުމަށްފަހު ތިމާއަށް ނުވަތަ އެހެން މީހަކަށް ނޭވާލަން އުނދަގޫވާކަން ފާހަގަކުރެވިއްޖެނަމަ، ވަގުތުން ސިއްޙީ އެހީތެރިކަން ހޯދަންވާނެއެވެ. އަވަހަށް ފަރުވާ ހޯދުމަކީ ވަރަށް މުހިންމު ކަމެކެވެ.

ހޭލުންތެރިވެ، ރައްކާތެރިވެ، އަދި ހަނދާނުގައި ބަހައްޓާށެވެ - ބަލިޖެހުނަ ނުދިނުމަކީ އަބަދުވެސް ފަރުވާ ހޯދުމަށްވުރެ މާ ރަނގަޅު ކަމެކެވެ.
                    


                    

މި ލިޔުން ކިޔާލުމުން

Ads by MSS