ހުޅުމާލޭގައި އައިޑީކާޑްގެ ހިދުމަތްދޭ އޮފީހެއް ހުޅުވައިފި

ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީ.އެން.އާރު) އިން ހުޅުމާލޭގައި އައު އޮފީހެއް ހުޅުވައިފިއެވެ. މި އޮފީސް ހުޅުވާފައިވަނީ ހުޅުމާލެ ފޭސް 1 ގައި ހުންނަ އުމަރު ޒާހިރު އޮފީސް ބިލްޑިންގގެ ގްރައުންޑް ފްލޯގައެވެ.

މާލެ ފިޔަވައި އަތޮޅުތެރޭގައި އައިޑީ ކާޑު ޕްރިންޓް ކުރުމުގެ ޚިދުމަތް ފެށުމަށް މިސަރުކާރުން އަންނަނީ ގިނަ މަސައްކަތް ތަކެއް ކުރައްވަމުންނެވެ. އެގޮތުން 2025 ވަނަ އަހރުގައި މިޚިދުމަތް ގިނަ އަތޮޅުތަކުން ލިބޭނެކަމަށް ސަރުކާރުން ވަނީ ކުރިން ހާމަކުރައްވާފައެވެ.

ދ.ކުޑަހުވަދޫގައި ބޭއްވި މި ރަސްމިއްޔާތެއްގައި ވާހަކަ ދައްކަވަމުން ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެފައި ވަނީ ރައްޔިތުންނަށް ބޭނުންވާނެ ޚިދުމައްތައް އޭގެ އެންމެ ފުރިހަމަ ގޮތުގައި ފޯރުކޮށްދިނުމަށް ރައީސް އިސްކަންދެއްވާކަމެއް ކަމަށެވެ.

އެގޮތުން އައިޑީކާޑުގެ ޚިދުމަތް ރައްޔިތުންގެ ސަލާމަތާއި ރައްކާތެރިކަން ކަށަވަރުވާގޮތައް ވީ އެންމެ އަވަހަށް އަދި އެންމެ އުނދަގޫ ކުޑަ ގޮތަކަށް ޚިދުމަތް ލިބޭނެ މަގު ފަހިކުރުމަށް ރައީސް އިރުޝާދުދެއްވާފައިވާކަމަށްވެސް ވަޒީރު ވަނީ ވިދާޅުވެފައެވެ.

ރާއްޖޭގެ މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑުގެ ޚިދުމަތް ފޯރުކޮށްދިނުމަކީ ސަރުކާރުން އިސްކަންދެއްވާ ކަމެކެވެ.