އިމިގްރޭޝަންގެ އިސްވެރިންނާއި އެކު "ހޯމް ޓީމް އާއިލީ ހަވީރު" ނިންމާލައިފި

އިމިގްރޭޝަން މޯލްޑިވްސްއިން އިއްޔެ ބޭއްވި "ހޯމް ޓީމް އާއިލީ ހަވީރު" ގެ ނަމުގައި ބޭއްވުނު ހަރަކާތުގައި އެ އިދާރާގެ އިސްވެރިންނާއި މުވައްޒަފުން ޢާއިލާއާއެކު ބައިވެރިވެއްޖެއެވެ.

މި ހަރަކާތުގައި އިމިގްރޭޝަންގެ ކޮންޓްރޯލަރ ޖެނެރަލް ޝަމާން ވަހީދުއާއި ޑެޕިއުޓީ ކޮންޓްރޯލަރ އަޝްފާން ޢަލީ ވެސް އެ ބޭފުޅުންގެ ޢާއިލާއާއެކު ބައިވެރިވެވަޑައިގެންނެވިއެވެ. މި ހަވީރަކީ އުފާވެރި މާހައުލެއްގައި ކުޑަކުދިންނާއެކު ވަގުތު ހޭދަކޮށް، ހަނދާންތައް އާކުރުމުގެ ފުރުޞަތު ލިބުނު ހަރަކާތެއް ކަމަށް އިމިގްރޭޝަނުން މަޢުލޫމާތު ދެއެވެ.

ހަރަކާތުގައި އެކި ބާވަތުގެ ކުޅިވަރުތަކާއި ހަރަކާތްތައް ހިމެނުނު ކަމަށާއި، ޚާއްޞަކޮށް އިމިގްރޭޝަނާ ގުޅުންހުރި ކުޅިވަރުތަކެއް ކުޅެވުނު ކަމަށް އިމިގްރޭޝަނުން ބުނެއެވެ. މީގެ އިތުރުން ކުޑަކުދިންނާއެކު ވަގުތު ހޭދަކޮށް، އެކުވެރިކަން ބަދަހިކުރުމުގެ ފުރުޞަތު ލިބުނު ކަމަށްވެސް އެ އިދާރާއިން ފާހަގަކުރިއެވެ.

"ހޯމް ޓީމް އާއިލީ ހަވީރު" އަކީ އިމިގްރޭޝަންގެ މުވައްޒަފުންގެ މެދުގައި އެކުވެރިކަން އިތުރުކޮށް، މަސައްކަތުގެ މާހައުލުން ބޭރުގައި އެއްބައިވަންތަކަން އާލާކުރުމަށް ބޭއްވުނު ހަރަކާތެއް ކަމަށް އެ އިދާރާއިން ބުންޏެވެ. މި ފަދަ ހަރަކާތްތަކުން މުވައްޒަފުންގެ މެދުގައި ގުޅުން ބަދަހިވެ، މަސައްކަތުގެ ފެންވަރު މަތިވެގެންދާނެ ކަމަށް އިމިގްރޭޝަނުން އުންމީދުކުރެއެވެ.
 

Highlights from yesterday’s 'Home Team Aailee Haveeru' event.
Controller General of Immigration, @ShamaanW, and Deputy Controller, @Ashfan20, attended the event with their families.
It was a joyful occasion, with engaging activities and immigration-themed games, where we had the… pic.twitter.com/GOUFTF1iSV

— Maldives Immigration (@ImmigrationMV) November 23, 2024