ޔުނެސްކޯގެ ތިންވަނަ ވޯލްޑް އޯ.އީ.އާރު ކޮންގްރެސްގައި ރާއްޖެ ބައިވެރިވެއްޖެ

އެޑިއުކޭޝަން މިނިސްޓްރީގެ ސްޓޭޓް މިނިސްޓަރ ޑރ. ޢަބްދުއްލަޠީފް މުޙައްމަދު ވަނީ ދުބާއީގައި ބޭއްވުނު ޔުނެސްކޯގެ ތިންވަނަ ވޯލްޑް އޯޕަން އެޑިޔުކޭޝަނަލް ރިސޯސަސް (އޯ.އީ.އާރު) ކޮންގްރެސްގައި ބައިވެރިވެވަޑައިގެންފައެވެ.

މި ކޮންގްރެސްގައި ދުނިޔޭގެ އެކި ކަންކޮޅުތަކުން ތަޢުލީމީ ދާއިރާގެ އިސް ފަރާތްތަކެއް ބައިވެރިވެ ވަޑައިގެންނެވިއެވެ. މި ބައްދަލުވުމުގެ މައިގަނޑު މަޤްޞަދަކީ އޯޕަން އެޑިޔުކޭޝަނަލް ރިސޯސަސް (އޯ.އީ.އާރު) ގެ ޤާބިލުކަން އިތުރުކުރުމަށްޓަކައި ބައިނަލްއަޤްވާމީ އެއްބާރުލުމުގެ މުހިންމުކަން ފާހަގަކުރުމެވެ.

State Minister Dr. Abdul Latheef Mohamed participated in the 3rd UNESCO World OER Congress in Dubai. The event brought together global education leaders to emphasize the critical role of international collaboration in maximizing the potential of Open Educational Resources (OER). pic.twitter.com/z8YBDYueZM

— Ministry of Education (@MoEdumv) November 23, 2024

މި ކޮންގްރެސްގައި ބައިވެރިވެ ވަޑައިގަތުމުން، ތަޢުލީމީ ވަސީލަތްތައް ތަރައްޤީކުރުމާއި ބޭނުންކުރުމުގައި ބައިނަލްއަޤްވާމީ ފެންވަރުގައި ކުރެވޭ މަސައްކަތްތަކުގައި ރާއްޖެއިން ބައިވެރިވުމުގެ ފުރުޞަތު ލިބިގެންދާނެއެވެ. އަދި މިކަމުގެ ސަބަބުން ރާއްޖޭގެ ތަޢުލީމީ ނިޒާމު އިތުރަށް ހަރުދަނާ ކުރުމަށް މަގުފަހިވެގެންދާނެއެވެ.