Ads by Exprox

ޚަބަރު

ރައީސް މުއިއްޒާ އޮންނަ ގުޅުން ގާތް: ވެރިކަމަށް ކުރިމަތިލުމުގެ ވިސްނުމެއް ނެތް: އަބްދުއްރަހީމް

ރައީސް މުއިއްޒާ އޮންނަ ގުޅުން ގާތް: ވެރިކަމަށް ކުރިމަތިލުމުގެ ވިސްނުމެއް ނެތް: އަބްދުއްރަހީމް

އަބްދުއްރަހީމް އަބްދުﷲ

އާމިނަތު ޔުމްނާ

އާމިނަތު ޔުމްނާ

24 ނޮވެމްބަރު 2024، 09:57

24 ނޮވެމްބަރު 2024، 09:57

ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ޗެއާޕާސަން އަބްދުއްރަހީމް އަބްދުﷲ ވިދާޅުވެފައިވަނީ ރައީސްކަމަށް ވާދަކުރެއްވުމުގެ ވިސްނުމެއް ނުގެންގުޅުއްވާ ކަމަށާއި، ރައީސް ޑރ. މުހައްމަދު މުއިއްޒުއާ އޮންނަ ގުޅުން އިހުނަށްވުރެ ބޮޑަށް ބަދަހިވަމުންދާ ކަމަށެވެ.

އަބްދުއްރަހީމް މިފަދައިން ވިދާޅުވެފައިވަނީ އިއްޔެ ކުރިއަށްދިޔަ ޕީއެންސީގެ އެތެރޭގެ އިންތިޚާބަށްފަހު އެ ޕާޓީގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައެވެ.

އަބްދުއްރަހީމް ވިދާޅުވި ގޮތުގައި ރައީސް މުއިއްޒު ވެރިކަމާ ހަވާލުވެވަޑައިގަތުމަށްފަހު ދެ ބޭފުޅުންގެ ދެމެދު އޮންނަ ގުޅުން ވަރަށް ބޮޑަށް ބަދަހިވާން ފަށާފައިވެއެވެ. އަދި ޕީއެންސީ ތެރޭގައި އެކުގައި މަސައްކަތްޕުޅު ކުރައްވަން ފެން ފެށުމުން އެ ގުޅުން އިތުރަށް ވަރުގަދަވެފައިވާ ކަމަށް އޭނާ ވިދާޅުވިއެވެ.

ރާއްޖޭގައި ސިޔާސީ ކަންކަމުގައި ރައީސް މުއިއްޒު އެންމެ ގުޅުން ރަނގަޅީ އަޅުގަނޑާ. މިހާރު އަދި މާ ރަނގަޅު. އެއް ދުވަހުން އަނެއް ދުވަހަށް ގުޅުން ދަނީ އިތުރަށް ބަދަހިވަމުން

އަބްދުއްރަހީމް ވިދާޅުވިއެވެ.

ރިޔާސީ އިންތިޚާބުގައި ވާދަކުރައްވާނެތޯ ކުރެވުނު ސުވާލަކަށް ޖަވާބު ދެއްވަމުން އަބްދުއްރަހީމް ވިދާޅުވީ އެފަދަ ވިސްނުމެއް ދުވަހަކުވެސް ނުގެންގުޅުއްވާ ކަމަށެވެ.

ދިވެހިރާއްޖޭގެ ވެރިކަމަށް ކުރިމަތިލުމުގެ ވިސްނުމެއް ދުވަހަކު ވެސް ނުގެންގުޅެން

އޭނާ ވިދާޅުވިއެވެ.

ކުރީގެ ރައީސް އަބްދުﷲ ޔާމީން ވެރިކަމަށް ކުރިމަތިލައްވާނެކަން އިޢުލާންކުރައްވާފައިވާތީ، އެކަމަކީ ޕީއެންސީއަށް ކިހާ ބޮޑު ގޮންޖެހުމަކަށް ވެދާނެތޯ ކުރެވުނު ސުވާލަކަށް އަބްދުއްރަހީމް ވިދާޅުވީ އެކަމަށް އެއްޗެއް ވިދާޅުވާން އަދި މާ އަވަސް ކަމަށެވެ. ނަމަވެސް ރައީސް މުއިއްޒަށް ދެވަނަ ދައުރެއް ހޯއްދަވައި ދެއްވުމަށް ޕީއެންސީން މަސައްކަތްކުރާނެ ކަމަށް އޭނާ ވިދާޅުވިއެވެ.

ރައީސް މުއިއްޒު ވަނީ ކުރިން އަބްދުއްރަހީމަކީ އެންމެ ބޮޑަށް ފަޚުރުވެރިވާ ސިޔާސީ ބޭފުޅާ ކަމަށް ވިދާޅުވެފައެވެ. ރައީސް ވިދާޅުވެފައިވަނީ ސިޔާސީ މަސައްކަތުގައި ކުރިމަތިވި ހުރިހާ ކަމެއްގައި އެންމެ ބޮޑު އެހީތެރިކަމެއް ދެއްވީ އަބްދުއްރަހީމް ކަމަށާއި، އެންމެ ގާތުގައިވެސް ހުންނެވީ އެމަނިކްފާޏުކަމަށެވެ.
                    

މި ލިޔުން ކިޔާލުމުން

Ads by MSS