ގއ. ކަނޑުހުޅުދޫގައި ދެމީހެއްގެ މެދުގައި މާރާމާރީއެއް ހިނގައި ދެމީހުންނަށް އަނިޔާވެއްޖެ

ގއ. ކަނޑުހުޅުދޫގައި ދެ ދިވެހި ފިރިހެނުންގެ މެދުގައި ހިނގި މާރާމާރީއެއްގައި ދެފަރާތަށް އަނިޔާވެ، ފަރުވާ ދެމުންދާކަމަށް ފުލުހުން މިއަދު ހާމަކޮށްފިއެވެ.

ފުލުހުން ބުނިގޮތުގައި މި މައްސަލަ ރިޕޯޓުކޮށްފައިވަނީ އިއްޔެ ރޭ 21:37 ގައެވެ. މި މާރާމާރީގައި އަނިޔާވި ދެމީހުންނަކީ 37 އަހަރުގެ މީހަކާއި 40 އަހަރުގެ މީހެކެވެ. މި ދެމީހުންނަށްވެސް މިހާރު ދަނީ ގއ. އަތޮޅު ހޮސްޕިޓަލުގައި ފަރުވާ ދެމުންނެވެ.

މި މައްސަލައިގެ ތަފްސީލު އަދި ހާމަކޮށްފައި ނުވިނަމަވެސް، ފުލުހުން ބުނިގޮތުގައި މި މައްސަލަ ތަޙުޤީޤުކުރުމުގެ މަސައްކަތް ދަނީ ކުރިއަށެވެ. މާރާމާރީ ހިނގި ސަބަބާއި އިތުރު ތަފްސީލު އަދި ހާމަކޮށްފައެއް ނުވެއެވެ.