Ads by Exprox

ޚަބަރު

މިހާތަނަށް ދައުލަތުގެ ބެލުމުގެ ދަށުގައި ތިބި 54 ކުއްޖަކު ޢާއިލާތަކާއި ހަވާލުކޮށްފައިވާނެ: ވަޒީރު ޢާއިޝާ

މިހާތަނަށް ދައުލަތުގެ ބެލުމުގެ ދަށުގައި ތިބި 54 ކުއްޖަކު ޢާއިލާތަކާއި ހަވާލުކޮށްފައިވާނެ: ވަޒީރު ޢާއިޝާ

އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ ޢާއިޝަތު ޝިހާމް

ޙަސްނާ އަޙްމަދް

ޙަސްނާ އަޙްމަދް

24 ނޮވެމްބަރު 2024، 02:31

24 ނޮވެމްބަރު 2024، 02:31

މިހާތަނަށް ދައުލަތުގެ ބެލުމުގެ ދަށުގައި ތިބި 54 ކުއްޖަކު ޢާއިލާތަކާއި ހަވާލުކޮށްފައިވާނެ ކަމަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ ޢާއިޝަތު ޝިހާމް ވިދާޅުވެއްޖެއެވެ.

ވަޒީރު ޢާއިޝާ މިހެން ވިދާޅުވީ ސަރުކާރަށް 1 އަހަރު ފުރުމާއި ގުޅިގެން ދައުލަތުގެ ޓީވީ އިން ގެނެސްދޭ "ހަފްތާ 52"ގެ ޚާއްސަ ޕްރޮގްރާމުގައި ވާހަކަފުޅުދައްކަވަމުންނެވެ.

ވަޒީރު ޑރ އާއިޝާ ވިދާޅުވީ ”ކޮންމެ ކުއްޖަކަށް ޢާއިލާއެއް" ޕްރޮގްރާމްގެ ދަށުން، ދައުލަތުގެ ބެލުމުގެ ދަށުގައި ތިބި 54 ކުއްޖަކު މިހާތަނަށް އާއިލާއާއި ޙަވާލުކޮށްފައިވާކަމަށެވެ. މީގެ އިތުރުން އެކަމަނާ ވިދާޅުވީ ދަޢުލަތުގެ ޒިންމާއެއްގެ ގޮތުގައި ދެކެނީ، ކޮންމެ ކުއްޖަކީވެސް ޢާއިލީ ލޯތްބާއި އޯގާތެރިކަން ތަޖުރިބާ ކުރެވި ބޮޑުވާ ކުއްޖަކަށްވުމުގެ ފުރުޞަތު ދިނުންކަމަށެވެ. 

އަދި ދިމާވާ ޙާލަތަކާ ގުޅިގެން ދަޢުލަތުގެ ބެލުމުގެ ދަށަށް ކުޑަކުދިން ނެގިނަމަވެސް، އެންމެ ބޮޑު އަމާޒަކީ ކުދިންނަށް ރަނގަޅު ގޮތްތަކެއް ހޯދައިދީ އެކުންދިން ޢާއިލާއަކާ އަވަހަށް ގުޅުވައިދިނުންކަމަށް ވެސް އެކަމަނާ ވިދާޅުވިއެވެ.

ވަޒީރު ވިދާޅުވީ ޢާއިލާތަކަށް ހަވާލުކުރި ކުދިންގެ ތެރޭގައި އެކުދިން ނިސްބަތްވާ އަސްލު އާއިލާގެ ޙާލަތު ރަނގަޅު ކޮށް ހަވާލުކުރި ކުދިންނާއި ދުރުތާ ތިމާގެ މީހުންގެ ބެލެނިވެރިކަމުގެ ދަށަށް ގެންދިޔަ ކުދިންނާއި ފޯސްޓަރ ޢާއިލާތަކަށް ހަވާލުކުރި ކުދިންވެސް ހިމެނޭކަމަށެވެ. 

ވަޒީރު ޑރ ޢާއިޝާ ވިދާޅުވީ ޢާއިލީ ގުޅުން ނެތް އާއިލާތަކުން، ފޯސްޓަރ ކުރާ ކުދިން ބެލުމަށް ދަޢުލަތުން އެހީވުމުގެ ގޮތުން، އެފަދަ ކުދިންގެ ޚަރަދުތައް ބެލެހެއްޓުމަށް 5000 ރުފިޔާގެ އެލަވަންސެއްވެސް ދެމުންދާކަމަށެވެ.

ދަޢުލަތުގެ ބެލުމުގެ ދަށަށް ކުދިން ނަގަނީ، ދިމާވާ އެކި މައްސަލަތަކުގެ ސަބަބުން ޢާއިލާގެ ތެރޭގައި އެވަގުތަށް ބެލެހެއްޓެން ނެތް ކުދިންނެވެ. އެހެންކަމުން ކުދިން އަނބުރާ އާއިލާތަކާ ހަވާލުކުރާއިރު، ޢާއިލާތެރޭގައި އެފަދަ އަމާން މާހައުލެއް ޤާއިމުކުރުމަށް ބޭނުންވާ އެހީތެރިކަންވެސް ވުޒާރާގެ ތެރެއިން ފޯރުކޮށްދެއެވެ. އަދި ކުދިން ހަވާލުކުރަނީ އެފަދަ މާޙައުލެއް އޮތްކަން ކަށަވަރުކުރުމަށްފަހުގައެވެ.

 

 

 

 

 

މި ލިޔުން ކިޔާލުމުން

Ads by MSS