ކަފިހިހުރަސް މަތީގައި ސައިކަލު ޕާކުކުރުން: މިތަނުން އަޅެ ހުރަސްކުރާނީ ކިހިނެއް؟

މާލޭގެ މަގުތަކުގައި ދިމާވަމުންދާ އެއް މައްސަލައަކީ ސައިކަލު ޕާކުކުރުމުގެ ސަބަބުން ހިނގާ މީހުންނަށް ދަތިވުމެވެ. މީހުން އާންމުކޮށް ހިނގާ އުޅޭ ކާރޫބާރޫ ބޮޑު މަގުތަކުގައި ވެސް މިމައްސަލަ އަންނަނީ ކުރިމަތިވަމުންނެވެ.ހިނގާ މީހުންނަށް ދަތިނުވޭ ގޮތަށް ޕާކް ކުރަން ކަނޑައަޅާފައިވަ ތަނތަނުގެ ޕާކްކުރަން ޖެހެއެވެ.

މި މައްސަލައަކީ ހަމައެކަނި ޕޮލިހުންގެ ޒިންމާއެއް ނޫނެވެ. މިއީ ކޮންމެ ރައްޔިތަކުވެސް އަދާކުރަންޖެހޭ ފަރުދީ ޒިންމާއެކެވެ. އެހެން މީހުންނަށް ދަތި ނުވާނެހެން ކަންތައްތައް ކުރުމަކީ ކޮންމެ މީހެއްގެވެސް ވާޖިބެކެވެ. ސައިކަލު ޕާކުކުރާނެ ތަން ދަތިވީނަމަވެސް، ކަފިހި ހުރަހަކީ ހިނގާ މީހުންނަށް ޚާއްޞަކުރެވިފައިވާ ތަނެއްކަން ހަނދާން ބަހައްޓަންވާނެއެވެ.

މިފަދަ ގޮތަކަށް ދުވާރު މަތީގައި ސައިކަލު ޕާކުކުރުމުގެ ސަބަބުން ޚާއްޞަ އެހީއަށް ބޭނުންވާ މީހުންނަށްވެސް ވަރަށް ބޮޑެތި ދަތިތަކާ ކުރިމަތިލާން ޖެހެއެވެ. މަގުތައް އަމާން އަދި ރައްކާތެރި ތަނަކަށް ހެދޭނީ އެންމެން އިސްނަގައިގެން ކަމުގައި ވާތީ، މިކަމަށް ސަމާލުކަން ދިނުމަކީ ވަރަށް މުހިންމު ކަމެކެވެ.

އަޅުގަނޑުމެންގެ މާލެއަށް ބަލާއިރު، ދުވާރު މަތީގައި ސައިކަލު ޕާކުކުރުމުގެ މައްސަލަ އެހާ ބޮޑުވެފައިވާތީ، މިހާރު ދުވާރު މަތިން ހިނގާ މީހުންނަށް ހީވަނީ އެމީހުން ހިނގަމުންދަނީ ސައިކަލު ޕާކިންގ އެއްގައި ހެއްޔެވެ. އެއީ ސައިކަލުތަކުގެ ދޭތެރެއިން ހުސްތަންކޮޅު ހޯދައިގެން ކުރިއަށްދާން ޖެހޭތީއެވެ.

އަޅުގަނޑުމެން އެންމެން އެކުގައި މަސައްކަތްކޮށްގެން މެނުވީ މިފަދަ މައްސަލަތަކަށް ހައްލެއް ނުލިބޭނެއެވެ. އެހެންކަމުން، ކޮންމެ މީހަކުވެސް އަމިއްލަ ޒިންމާ އުފުލައި، އެހެން މީހުންގެ ޙައްޤުތަކަށް އިޙްތިރާމްކުރުމަކީ ވަރަށް މުހިންމު ކަމެކެވެ.