ސައިންސް / ދުނިޔެ / ވިޔަފާރި
6.2 މިލިއަނަށް ގަތް ކުރެހުމުގަ އިން ދޮންކެޔޮވައް ކާލައިފި

6.2 މިލިއަނަށް ގަތް ދޮންކެޔޮ ފޮޓޯ:އިންޓަނެޓް
ބުދަ ދުވަހު ބޭއްވުނު ނީލަމެއްގައި ދޮންކެޔޮވަކެއް 6.2 މިލިއަން އެމެރިކާ ޑޮލަރަށް ވިއްކާލުމާއެކު، ފަންނުވެރި މަސައްކަތްތަކުގެ އަގުތައް އައު ރެކޯޑަކަށް އަރައިފިއެވެ.
ކްރިޕްޓޯކަރަންސީ ދާއިރާގެ ނަންމަޝްހޫރު އާންޓްރެޕްރެނިއުރ ޖަސްޓިން ސަން، މި ނާދިރު ފަންނީ މަސައްކަތް ހޯދުމަށް 6 މިލިއަން ޑޮލަރަށްވުރެ ގިނަ ފައިސާ ހޭދަކޮށްފައިވީނަމަވެސް ހަޤީގަތުގައިއެއީ އާދައިގެ ދޮންކެޔޮވަކެކެވެ. އެދޮންކެޔޮވަށް ވަނީ ޑަކްޓް ޓޭޕު ބޭނުންކޮށްގެން ތަތްކޮށްފައެވެ.
މި ދޮންކެޔޮވަކަކީ އިޓަލީގެ ކުރެހުންތެރިޔާ މައުރީޒިއޯ ކެޓެލާން އުފައްދާފައިވާ "ކޮމީޑިއަން" ނަމަކަށް ކިޔާ ކުރެހުމުގެ މުހިންމު ބައެކެވެ. ބުދަ ދުވަހު ނިއު ޔޯކް ސިޓީގައި ބޭއްވުނު ސޮތުބީސްގެ ނީލަމުގައި، އިތުރު 6 ފަރާތަކާއެކު ވާދަވެރި މުޢާމަލާތަކަށްފަހު، ކްރިޕްޓޯކަރަންސީ ޓްރޮންގެ ބާނީ ސަން ވަނީ މި އަގުހުރި މަސައްކަތް ހޯދުމަށް ކްރިޕްޓޯކަރަންސީއިން ފައިސާ ދައްކާފައެވެ.
މި ފަންނީ މަސައްކަތުން މުސްތަޤުބަލުގައި އައު ވިސްނުންތަކާއި ޚިޔާލު ބަދަލުކުރުމަށް މަގުފަހިވެ، ތާރީޚުގެ މުހިންމު ބައެއްގެ ގޮތުގައި ރެކޯޑުކުރެވިގެންދާނެ ކަމަށް އަހުރެން ޤަބޫލުކުރަން
ސަން ހާމަކުރިއެވެ.މި މަސައްކަތުގެ ފަޚުރުވެރި ވެރިއަކަށްވުމުގެ ޝަރަފު ލިބުނީތީ އަހުރެން ނުހަނު އުފާވަން. އަދި މުޅި ދުނިޔޭގެ ފަންނާނުންނަށް އިތުރު އިލްހާމާއި ފިކުރީ އަސަރުކުރުވުމަށް މަގުފަހިވާނެކަމަށް އުންމީދުކުރަން
ސަން ހާމަކުރި ގޮތުގައި މި މިލިއަން ޑޮލަރުގެ އިންވެސްޓްކޮށްގެން ގަތް ދޮންކެޔޮވަކަކީ ހަމަ ކާލަން ވެގެން ގަތް ދޮންކެޔޮވަކެއްކަން ހާމަކޮަށްފައެވެ.އަދި މިހާ އަގުބޮޑުކޮށް ގަނެގެން މިދޮންކެޔޮވަަައް ކާލުމުގެ ބޭނުމަކީ ތަފާތު ފަންނީ ތަޖުރިބާގެ ބައެއްގެ ގޮތުގައި، ފަންނުގެ ތާރީޚާއި މަޤްބޫލު ސަގާފަތުގެ މަޤާމަށް އިޙްތިރާމްކުރުން ކަމުގައި ވަނީ ބުނެފައެވެ."
ސަން މިދޮންކެޔޮވައް ކާލިކަމުގައި ވީނަމަވެސް އޭނާގެ އިންވެސްޓްމަންޓްގެ އަގަށް އެއްވެސް އަސަރެއް ނުކުރާނެއެވެ. އޭނާގެ 6.2 މިލިއަން ޑޮލަރުގެ ގަތުމުން އޭނާއަށް ވަނީ ޑަކްޓް ޓޭޕް ރޯލަކާއި، ޑަކްޓް ޓޭޕް ބޭނުންކޮށްގެން ދޮންކެޔޮ ރަނގަޅަށް "އިންސްޓޯލް" ކުރާނެ ގޮތުގެ އިރުޝާދުތައް ދީފައެވެ. އަދި ސަން އަމިއްލައަށް އުފައްދާ ކުރެހުމަކީ އޮރިޖިނަލް މަސައްކަތެއްކަން ކަށަވަރުކޮށްދޭ ސެޓްފިކެޓެއްވެސް ވަނީ ދީފައެވެ.
ކެޓެލާންގެ ކޮމީޑިއަން ގަންނައިރު ގަންނަނީ ދޮންޖެޔޮވަކެއް ނޫން.ގަންނަނީ އޮތެންޓިސިޓީގެ ސެޓްފިކެޓެކެވެ. މި ސެޓްފިކެޓުން ވެރިފަރާތަށް މައުރީޒިއޯ ކެޓެލާންގެ އޮރިޖިނަލް ކުރެހުމެއްގެ ގޮތުގައި މި ދޮންކެޔޮވަކާއި ޑަކްޓް ޓޭޕް އަލުން އުފެއްދުމުގެ ހުއްދައާއި ބާރު ލިބިދެއެވެ
ސޮތުބީސްގެ ކޮންޓެމްޕޮރަރީ އާޓްގެ ވެރިޔާ ޑޭވިޑް ގަލްޕެރިން އެސޯސިއޭޓެޑް ޕްރެސްއަށް ތަފްޞީލުކޮށްދީފައިވެއެވެ.
ސަން ފަދަ ކްރިޕްޓޯކަރަންސީގެ ދާއިރާގައި ޝައުޤުވެރިކަން ހުރި ފަރާތަކަށް، މި ކުރެހުމާއި އެންއެފްޓީއަކާ ދެމެދު ހުރި ގުޅުން ފާހަގަނުވެ ނުދާނެއެވެ.
މިއީ ހަމައެކަނި ކުރެހުމެއް ނޫނެވެ. މިއީ ފަންނާއި، މީމްތަކާއި، ކްރިޕްޓޯކަރަންސީ މުޖުތަމަޢުގެ ދުނިޔެތައް ގުޅުވައިދޭ ސަގާފީ ޙާދިސާއެއް ތަމްސީލުކުރާ ކަމެއްގެގޮތުގައި އޭނާ ވަނީ ފާހަގަކޮށްފައެވެ.
ކޮމީޑިއަން ފުރަތަމަ ދައްކާލެވުނީ 2019 ވަނަ އަހަރު އާޓް ބާސެލް މަޔާމީގައެވެ. އޭރު އޭގެ އަގަކީ 120،000 ޑޮލަރެވެ. ފާރެއްގައި ޑަކްޓް ޓޭޕުން ހަރުކޮށްފައިވާ ދޮންކެޔޮވަކުގެ ފޮޓޯ އިޖުތިމާޢީ މީޑިއާގައި ވައިރަލްވެ، ގިނަ ބަޔަކު އެތަނަށް ޒިޔާރަތްކުރުމާ ގުޅިގެން ކުރެހުން ވަގުތީގޮތުން ނަގަން ޖެހުނެވެ.
ކޮމީޑިއަންގެ ތިން އެޑިޝަން އުފައްދައި ވިއްކާލެވުނެވެ. އޭގެ ތެރެއިން އެއް އެޑިޝަން ނަން ހާމަނުކުރާ ފަރާތަކަށް ހަދިޔާކުރިއެވެ. އަދި އަނެއް ދެ އެޑިޝަން އަމިއްލަ ފަރާތްތަކަކުން ގަތެވެ.
މި ޙާދިސާއިން ދައްކުވައިދެނީ ފަންނުގެ ދުނިޔޭގައި ހުރި އުނގެނުމުގެ ފުރުޞަތުތަކާއި، އަގުކުރުމުގެ ދާއިރާގައި ހުރި ފުންމިނެވެ. އަދި މިފަދަ މަސައްކަތްތަކުން ފަންނުވެރިންނާއި ކަލެކްޓަރުންގެ މެދުގައި އުފެދޭ ޚިޔާލީ ބަހުސްތަކާއި މުނާޒަރާތަކުގެ މުހިންމުކަން ވެސް ހާމަވެގެންދެއެވެ.
މި ކުރެހުމުގެ އަގު މިހާ މައްޗަށް ދިއުމުން، ފަންނުވެރި މަސައްކަތްތަކުގެ އަގު ކަނޑައެޅުމުގައި ބޭނުންކުރާ މިންގަނޑުތަކާ މެދު އަލުން ވިސްނަން ޖެހިފައިވާކަން ފާހަގަކުރެވެއެވެ. އަދި މީގެން ދޭހަވަނީ، ފަންނުވެރި މަސައްކަތެއްގެ އަގަކީ ހަމައެކަނި އޭގެ މާއްދީ ސިފައިން ކަނޑައެޅޭ އެއްޗެއް ނޫންކަމެވެ. އޭގެ ބަދަލުގައި، އެ މަސައްކަތަކުން އުފައްދާ ޚިޔާލީ މަފްހޫމްތަކާއި، އިޖްތިމާޢީ މުޢާމަލާތްތަކާއި، ސަގާފީ މުހިންމުކަން ވެސް އަގު ކަނޑައެޅުމުގައި ވަރަށް ބޮޑު ދައުރެއް އަދާކުރެއެވެ.
ޖަސްޓިން ސަންގެ މި ޢަމަލުން، ކްރިޕްޓޯކަރަންސީގެ ދާއިރާއާއި ފަންނުވެރި ދުނިޔެ އާ ދެމެދު އޮތް ގުޅުން އިތުރަށް ބަދަހިވެގެން ދިޔައެވެ. މި ދެ ދާއިރާގެ އެއްވުމުން، އައު އުފެއްދުންތެރި ވިސްނުންތަކާއި އިންވެސްޓްމަންޓް ފުރުޞަތުތަކަށް މަގުފަހިވެގެންދާނެ އެވެ.
އަދި ހަމަ އެހެންމެ، ފާހަގަކޮށްލެވެނީ ފަންނުވެރިކަމުގައި ހުންނަ ފާޑުކިޔުމުގެ ބައިތަކާއި، އިޖްތިމާޢީ ބަހުސްތައް އުފެއްދުމުގެ ބާރުގަދަކަމެވެ. ކެޓެލާންގެ "ކޮމީޑިއަން" އަކީ ހަމައެކަނި ފަންނުވެރި މަސައްކަތެއްގެ ގޮތުގައި ނުބެލި، އޭގެ ޒަރީޢާއިން މުޖްތަމަޢުގެ އަގުތަކާއި، ބޭކާރު ޚަރަދުތަކާއި، ފަންނުވެރިކަމުގެ މާނައާމެދު ސުވާލު އުފައްދާ އެއްޗެއްގެ ގޮތުގައި ބައެއް ފަރާތްތަކުން ދެކެއެވެ.
ޖަސްޓިން ސަންގެ ގަތް މި ކުރެހުމަކީ ހަމައެކަނި އަމިއްލަ ހައިސިއްޔަތުން ކުރި އިންވެސްޓްމަންޓެއްގެ ގޮތުގައި ނުބަލާ، ފަންނުވެރިކަމާއި ޓެކްނޮލޮޖީގެ ދާއިރާ އެއްކޮށްލުމުގެ ނިޔަތުގައި ކުރެވުނު ކަމެއްގެ ގޮތުގައި ބައެއްފަރާތްތަކުން ދެކެއެވެ.