އިލެކްޝަންސް ކޮމިޝަންގެ ރައީސްގެ މަޤާމުން ޒާހިދު އިސްތިއުފާ ދެއްވައިފި

އިލެކްޝަންސް ކޮމިޝަން (އީސީ)ގެ ރައީސްގެ މަޤާމުން މުޙައްމަދު ޒާހިދު އިސްތިއުފާ ދެއްވައިފިއެވެ.

އެ މަޤާމުން ޒާހިދު އިސްތިއުފާ ދެއްވިކަން އިލެކްޝަންސް ކޮމިޝަނުން ވަނީ ކަށަވަރުކޮށްދެއްވާފައެވެ. ނަމަވެސް މިކަމާ ގުޅޭ އިތުރު ތަފްސީލެއް ނުދެއްވައެވެ.

މިކަމާ ގުޅިގެން އީސީގެ ނައިބު ރައީސް އަބްދުއްރަޙްމާން ޞަލާހު ރަޝީދު ވިދާޅުވީ، އެ ކޮމިޝަންގެ ރައީސް ޒާހިދު މަޤާމުން އިސްތިއުފާ ދެއްވި ވާހަކަ އެންގެވި ނަމަވެސް އޭގެ ސަބަބު އެނގިވަޑައިނުގަންނަވާ ކަމަށެވެ.

އީސީގެ ރައީސްގެ މަޤާމަށް ޒާހިދު އައްޔަން ކުރެއްވީ މިދިޔަ އަހަރުގެ ފެބްރުއަރީ މަހުގެ 18 ވަނަ ދުވަހުއެވެ.

ޒާހިދު އީސީގެ ރައީސްގެ މަޤާމަށް އައްޔަންކުރެއްވީ، މިދިޔަ އަހަރުގެ ޖެނުއަރީ މަހުން ފެށިގެން އެ ކޮމިޝަނުގެ މެންބަރެއްގެ މަޤާމަށް އައްޔަންކުރައްވާފައި ހުންނަވަނިކޮށެވެ.