ޚަބަރު
ޤަވާއިދާ ޚިލާފަށް ރާއްޖޭގެ ކަނޑުގެ ސަރަހައްދުގައި އުޅުނު މަސްބޯޓެއް އަތުލައިގެންފި
އެމްއެންޑީއެފުން އާންމު ކޮށްފައިވާ މަސްބޯއްޓުގެ ފޮޓޯ.
ޤަވާއިދާ ޚިލާފަށް ރާއްޖޭގެ ކަނދުގެ ސަރަހައްދުގައި އުޅުނު މަސްބޯޓެއް އެމްއެންޑީއެފުން އަތުލައިގެންފިއެވެ.
އެމްއެންޑީއެފުން ބުނެފައިވާ ގޮތުގައި މި މަސް ބޯޓު އަތުލައިގަތީ އެމްއެންޑީއެފް ކޯސްޓްގާޑުން ހިންގި އޮޕަރޭޝަނެއްގައެވެ. މިއީ ކޮން ޤައުމެއްގެ ބޯޓެއް ކަމެއް މި ބޯޓުގައި ތިބީ ކިތައް މީހުން ކަމެއް އަދި ބޯޓު އަތުލައިގަތީ ކޮން ސަރަހައްދަކުން ކަމެއް އެމްއެންޑީއެފުން އަދި ހާމައެއް ނުކުރެއެވެ.
އެމްއެންޑީއެފުން ހަމައެކަނި ހާމަކޮށްފައިވަނީ އެ ބޯޓުގެ ފޮޓޯއެކެވެ.
MNDF Coast Guard apprehends a foreign fishing vessel suspected of engaging in illegal activities in Maldives waters. pic.twitter.com/ifRLHqLK3D
— Maldives National Defence Force (@MNDF_Official) November 24, 2024
މި މަހުގެ 16 ވަނަ ދުވަހު ރާއްޖޭގެ ކަނޑުގެ ސަރަހައްދުގައި ޤާނޫނާ ހިލާފަށް ހަރަކާތްތެރިވި ބޯޓެއް ވެސް އެމްއެންޑީއެފުން ވަނީ އަތުލައިގެންފައެވެ. މި ބޯޓު އަތުލައިގެންފައިވަނީ އެމްއެންޑީއެފްގެ އެއާ ކޯގައި ހިމެނޭ ޑްރޯން ބޭނުންކޮށްގެންނެވެ. މިއީ ޑްރޯން ބޭނުންކޮށްގެން މިފަދަ އުޅަނދެއް އަތުލައިގަތް ފުރަތަމަ ފަހަރެވެ.
