ރިޔާސީ ދައުރު ބަދަލުވާ ތާރީޚަކީ ނޮވެންބަރު މަހުގެ 11 ވަނަ ދުވަހަށް ހެދުމަށް ރައްޔިތުންގެ ވޯޓަކަށް

ރިޔާސީ ދައުރު ބަދަލުވާ ތާޜީޚަކީ ނޮވެންބަރު މަހުގެ 11 ވަނަ ދުވަހަށް ހެދުމަށް ރައްޔިތުންގެ ވޯޓަކަށް އެހުމަށް ހަމަޖެހިފައިވާ ކަމަށް ބަންޑާރަ ނައިބު އަޙްމަދު އުޝާމް ވިދާޅުވެއެްޖެއެވެ. 

ބަންޑާރަނައިބު އުޝާމް މިހެން ވިދާޅުވީ ސަރުކާރަށް އެއް އަހަރުގެ ފުރުމުގެ މުނާސަބަތުގައި ދައުލަތުގެ ޓީވީގައި ވާހަކަފުޅު ދައްކަވަމުންނެވެ.

ބަންޑާރަނައިބު އުޝާމް ވިދާޅުވި ގޮތުގައި، ރައީސުލްޖުމްހޫރިއްޔާޑރ މުޙައްމަދު މުޢިއްޒު ބޭނުންފުޅުވާ ގޮތަކީ ޒަމާނުންސުރެ ރާއްޖޭގައި ކަންހިންގަމުން އައިގޮތަށް، ރިޔާސީ ދައުރު ބަދަލުވާ ތާރީޚަކީ ނޮވެންބަރު މަހުގެ 11 ވަނަ ދުވަހުގެ ގޮތުގައި ހަމަޖެއްސެވުންކަމަށެވެ.

އުޝާމް ވިދާޅުވީ ޤާނޫނުއަސާސީއަށް އިޞްލާޙެއް ނުގެނެސް މިބަދަލު ގެނެވެން ނެތް ކަމަށާއި، ޤާނޫނުއަސާސީ ބުނާގޮތުން ވެރިކަމުގެ ދައުރު ބަދަލުކުރާކަމުގައިވާނަަމަ ރައްޔިތުންގެ ފެންނަ ނުފެންނަ ވޯޓަކަށް ދާންޖެހޭ ކަމުގައެވެ.

އުޝާމް ވިދާޅުވީ ޤާނޫނުއަސާސީގައި ބުނަނީ ރިޔާސީ ދައުރަކީ 5 އަހަރު ދުވަސް ކަމަށާއި، އެ މުއްދަތުން އެންމެ ދުވަހެއް އުނިކުރާ ކަމުގައިވާ ނަމަވެސް ޤާނޫނީ ގޮތުން ޞައްޙަ ގޮތަކީ ރައްޔިތުންގެ ފެންނަ ނުފެންނަ ވޯޓަކަށް ގޮސްގެން ޤާނޫނުއަސާސީ އިޞްލާޙްކޮށްގެން ކުރިއަށް ދިއުންކަމުގައެވެ.

އެހެންކަމުން، މިކަމުގައި ޤާނޫނުއަސާސީ އިޞްލާޙުކުރުމަށްޓަކައި ރައްޔިތުންގެ ފެންނަ ނުފެންނަ ވޯޓަކަށް އަހާނެ ކަމަށާއި، އަދި ރައްޔިތުން އެކަމަށް ތާޢީދުކުރައްވައިފި ކަމުގައިވާނަމަ، 2028 ވަނަ އަހަރު ރިޔާސީ ދައުރު ފެށޭނީ ނޮވެމްބަރު 11 ވަނަ ދުވަހު ކަމުގައި ބަންޑާރަނައިބު އުޝާމް ފާހަގަކުރެއްވެވިއެވެ.