ރާއްޖޭން ތައިލެންޑަށް ކަނޑައަަޅާ ސަފީރުކަމަށް ފުވާދު އައްޔަން ކުރަން މަޖިލީހަށް ފޮނުވައިފި

ދިވެހިރާއްޖޭން ތައިލެންޑަށް ކަނޑައަޅުއްވާ ސަފީރުގެ މަގާމަށް އިލެކްޝަންސް ކޮމިޝަނުގެ ކުރީގެ ރައީސް ފުވާދު ތައުފީގު އައްޔަން ކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަޖިލީހަށް ހުށަހަޅުއްވައިފިއެވެ. މި ހުށަހެޅުއްވުން ގެނެސްފައިވަނީ ފުވާދުގެ އިލެކްޝަންސް ކޮމިޝަނުގެ މެންބަރުކަމުގެ މުއްދަތު ހަމަވުމާ ގުޅިގެންނެވެ.

ރައްޔިތުންގެ މަޖިލީހުގެ ޚާރިޖީ ގުޅުންތަކުގެ ކޮމިޓީއަށް މި މައްސަލަ ފޮނުވިފައިވާކަން ވަނީ އެނގިފައެވެ. ފޮރިން ސާވިސް ޤާނޫނުގެ ދަށުން ރާއްޖޭން ބޭރު ޤައުމުތަކަށް ސަފީރުން އައްޔަން ކުރެވެނީ ރައްޔިތުންގެ މަޖިލީހުގެ ރުހުމާއެކު ރައީސުލްޖުމްހޫރިއްޔާގެ ފަރާތުންނެވެ.

ފުވާދު ތައުފީގުގެ އިލެކްޝަންސް ކޮމިޝަނުގެ ކެރިއަރަށް ބަލާއިރު، އެންމެ ފުރަތަމަ އެ ކޮމިޝަނާ ގުޅިވަޑައިގަތީ 2008 ވަނަ އަހަރު، ކޮމިޝަންގެ މެންބަރެއްގެ ގޮތުގައެވެ. އޭގެ އަހަރެއްގެ ތެރޭގައި، 2009 ވަނަ އަހަރު، ފުވާދު ވަނީ ކޮމިޝަންގެ ރައީސްކަމަށް އައްޔަންކުރެވިފައެވެ. 2014 ވަނަ އަހަރުގެ މާރިޗު މަހާ ހަމައަށް އެ މަޤާމުގައި ހުންނެވުމަށްފަހު، ފުވާދު ވަނީ ކޮމިޝަނުން ވަކިވެވަޑައިގެންފައެވެ. އަދި 2019 ވަނަ އަހަރު ދެވަނަ ފަހަރަށް އެ ކޮމިޝަނާ ގުޅިވަޑައިގަތެވެ.

ފުވާދު ތައުފީގު ވަނީ އިލެކްޝަންސް ކޮމިޝަނުގެ ރައީސްގެ މަގާމުގައި ހުންނަވައިގެން ކާމިޔާބު މަސައްކަތްތަކެއް ކުރައްވާފައެވެ. މި ހުށަހެޅުމާއެކު، ފުވާދުގެ ދގެ ދިގު މުއްދަތުގެ ތަޖުރިބާ ދިވެހިރާއްޖޭގެ ޑިޕްލޮމެޓިކް ދާއިރާއަށް ގެނައުމުގެ ފުރުޞަތު ލިބިގެންދާނެ ކަމަށް ބެލެވެއެވެ.