Ads by Exprox

ޚަބަރު

މިއަހަރު 600 އަށްވުރެ ގިނަ ދަރިވަރުން މުދައްރިސުކަން ކިޔަވަން ފަށައިފި

މިއަހަރު 600 އަށްވުރެ ގިނަ ދަރިވަރުން މުދައްރިސުކަން ކިޔަވަން ފަށައިފި

ރާއްޖެޭގެ މުދައްރިސެއް ދަރިވަރުންނާއި އެކު ފޮޓޯ:އަވަސް

އާމިނަތު ޔުމްނާ

އާމިނަތު ޔުމްނާ

25 ނޮވެމްބަރު 2024، 01:45

25 ނޮވެމްބަރު 2024، 01:45

މިއަހަރު އަލަށް މުދައްރިސުކަން ކިޔަވަން 600 އަށްވުރެ ގިނަ ދަރިވަރުން ފަށާފައިވާކަމަށް ތަޢުލީމީ ކަންތައްތަކާ ބެހޭ ވަޒީރު ޑރ. އިސްމާޢިލް ޝަފީޢު ވިދާޅުވެއްޖެއެވެ. މިއީ ވޭތުވެދިޔަ 10 އަހަރާ އަޅާބަލާއިރު އިތުރު އަދަދެއްކަން ވަޒީރު ފާހަގަކުރެއްވިއެވެ.

ވަޒީރު ވިދާޅުވީ، ފާއިތުވި އެއް އަހަރު ދުވަހުގެ ތެރޭގައި މުދައްރިސުންނަށް ދޭންޖެހޭ ގަދަރާއި އިޙްތިރާމް އަލުން އަނބުރާ ހޯދައިދީފައިވާ ކަމަށެވެ. އެގޮތުން މިދިޔަ އެއް އަހަރުގެ ތެރޭގައި އެއްވެސް މުދައްރިސަކަށް ނުވަތަ ޕްރިންސިޕަލަކަށް ފިޔަވަޅެއް އަޅާފައި ނުވާކަމަށް ވަޒީރު ވިދާޅުވިއެވެ.

ތަޢުލީމީ ދާއިރާއަށް މިހާރުން މިހާރަށް 2400 އަށްވުރެ ގިނަ މުދައްރިސުން ބޭނުންވާކަން ފާހަގަކުރައްވާ ވަޒީރު ވިދާޅުވީ، ޕްރައިމަރީ މުދައްރިސުންގެ ގޮތުގައި 250 މުދައްރިސުން ބޭނުންވާ ކަމަށެވެ. މި ދަތިކަމަށް ޙައްލެއް ހޯދުމުގެ ގޮތުން މުދައްރިސުން ތަމްރީނުކުރުމުގެ ޤައުމީ ޕްރޮގްރާމެއް ވަނީ ފަށާފައެވެ.

މި ޕްރޮގްރާމްގެ ދަށުން 135 ދަރިވަރަކަށް ސްކޮލަރޝިޕް ދީފައިވާ ކަމަށާއި، ކޮންމެ އަހަރަކު މަދުވެގެން 150 ދަރިވަރުން ތަމްރީނު ކުރުމަކީ ސަރުކާރުގެ އަމާޒެއް ކަމަށް ވަޒީރު ވިދާޅުވިއެވެ. މި ޕްރޮގްރާމްގައި ބައިވެރިވާ ދަރިވަރުންނަށް މަހަކު 1500 ރުފިޔާގެ ސްޓައިޕެންޑެއް ދިނުމަށް ވަނީ ހަމަޖައްސާފައެވެ.

މުދައްރިސުން ތަމްރީނުކުރުމަށް ހަމަޖެހިފައިވަނީ މުދައްރިސުން ލިބުން ދަތިވާ މާއްދާތަކާއި ރަށްތައް ބަލައިގެން، އެކަމަށް ޙައްލެއް އަންނާނެ ފަދަ ގޮތަކަށް ކަމަށް ތަޢުލީމީ ކަންތައްތަކާ ބެހޭ ވުޒާރާއިން ވިދާޅުވެފައިވެއެވެ.
                    

މި ލިޔުން ކިޔާލުމުން

Ads by MSS