Ads by Exprox

ޚަބަރު

ދުޅަހެޔޮ ޢާއިލާތަކެއް ޤާއިމްކުރުމަށް އެންމެން ގުޅިގެން މަސައްކަތްކުރުމުގެ މުހިންމުކަން ވަޒީރު ޑރ. ޢާއިޝަތު ޝިހާމް ފާހަގަކުރައްވައިފި

ދުޅަހެޔޮ ޢާއިލާތަކެއް ޤާއިމްކުރުމަށް އެންމެން ގުޅިގެން މަސައްކަތްކުރުމުގެ މުހިންމުކަން ވަޒީރު ޑރ. ޢާއިޝަތު ޝިހާމް ފާހަގަކުރައްވައިފި

ވަޒީރު ޑރ. ޢާއިޝަތު ޝިހާމް ފޮޓޯ:ވުޒާރާ

އާމިނަތު ޔުމްނާ

އާމިނަތު ޔުމްނާ

25 ނޮވެމްބަރު 2024، 01:48

25 ނޮވެމްބަރު 2024، 01:48

ދުޅަހެޔޮ ޢާއިލާތަކެއް ރާއްޖޭގައި ޤާއިމްކުރެވިގެންދާނީ މުޖުތަމަޢުގެ ހުރިހާ ފަރާތްތަކެއް އެކުގައި މަސައްކަތް ކުރެވިގެންކަމަށާއި މި ދާއިރާގައި މަސައްކަތްކުރާ، ރާއްޖޭގެ އެކި ކަންކޮޅުތަކުގައި ހަރަކާތްތެރިވާ މަދަނީ ޖަމްޢިއްޔާތަކުގެ އެހީތެރިކަމާއި އެއްބާރުލުމަކީ، ސަރުކާރުގެ މި އަމާޒަށް ވާސިލުވުމަށް ލިބިގެންދާ ވަރަށްބޮޑު ހިތްވަރެއް ކަމަށް ވަޒީރު ޑރ. ޢާއިޝަތު ޝިހާމް ވިދާޅުވެއްޖެއެވެ.

ވަޒީރު މިހެން ވިދާޅުވެފައިވަނީ  ފެމިލީ ޕްރޮޓެކްޝަން އޮތޯރިޓީ (އެފް.ޕީ.އޭ) އިން ބާއްވާ 2 ދުވަހުގެ މަދަނީ ޖަމުޢިއްޔާތަކުގެ މަހާސިންތާގެ ހުޅުވުމުގެ ރަސްމިއްޔާތުގައި ޝަރަފުވެރި މެހެމާނެއްގެ ގޮތުން ބައިވެރިވެ ވަޑައިގެން ދެއްކެވި ވާހަކަފުޅުގައެވެ.

ރާއްޖޭގެ އެކި ކަންކޮޅުތަކުގައި އަނިޔާ ލިބޭ ފަރާތްތަކަށް ބޭނުންވާ ތަފާތު އެހީތެރިކަމާއި ޚިދުމަތްތައް ފޯރުކޮށްދޭނެ ޤާބިލު ޖަމްޢިއްޔާތައް އުފެދި، ހަރަކާތްތެރިވަމުން ދާކަން ފާހަގަކުރެއްވި ވަޒީރު، އަނިޔާ ލިބޭ ފަރާތްތަކަށް ބޭނުންވާ އިޖުތިމާޢީ، އިޤްތިޞާދީ، މާލީ އަދި ޤާނޫނީ އެހީތެރިކަން ފޯރުކޮށްދޭ ޖަމްޢިއްޔާތަކަކީ ޒަމާނުއްސުރެން ދިވެހިރާއްޖޭގައި އެކިފެންވަރުގައި ހަރަކާތްތެރިވަމުންދާ އަދި މިހާރުވެސް އެފަދަ ޚިދުމަތްތައް ފޯރުކޮށްދިނުމުގައި އަމަލީގޮތުން މަސައްކަތް ކުރާ ފަރާތްތައް ކަން ފާހަގަކުރައްވައި، އެފަދަ އެންމެހައި ފަރާތްތަކަށް ޝުކުރު އަދާކުރެއްވިއެވެ.

މި މަހާސިންތާގެ ތެރެއިން އަނިޔާގެ ޝިކާރައަކަށްވާ ފަރާތްތަކަށް އެހީތެރިކަން ފޯރުކޮށްދިނުމަށް އެކި ގޮތްގޮތުން ހަރަކާތްތެރިވާ ޖަމްޢިއްޔާތަކާއި ދައުލަތުގެ އިދާރާތަކާއި ދެމެދު އޮންނަ ގުޅުން އިތުރަށް ހަރުދަނާވެ، ގުޅިގެން އެކުގައި މަސައްކަތް ކުރެވޭނެ ގޮތްތަކެއް ތަޢާރަފްވެ، ޤާއިމުވެގެން ދާނެކަމަށް އުންމީދުކުރައްވާކަމަށްވެސް ވަޒީރު ވިދާޅުވިއެވެ.

އަދި، އެންމެން ގުޅިގެން މަސައްކަތްކޮށްފިނަމަ، ވަކި ޖިންސަކަށް ވީތީ ކުރާ އަނިޔާ ހުއްޓުވި، މި މުޖުތަމަޢަކީ އެކުވެރި، ހަމަހަމަ އަދި އޯގާތެރި މުޖްތަމަޢެއްގެ ގޮތުގައި ބިނާކުރެވި، އަންނަން އޮތް ޖީލުތަކަށް ފަޚުރުވެރިވެވޭފަދަ ޤައުމެއްގެ ގޮތުގައި މި ޤައުމު ދޫކޮށްލެވޭނެކަމުގެ ޔަޤީންކަން ވަޒީ
                    

މި ލިޔުން ކިޔާލުމުން

Ads by MSS