ސައިންސް

ހަޤީޤީ ލޯބިވާ މީހާ ފެންނަނީ އުމުރުގެ ކިހާ ހިސާބަކުން؟

ހަޤީޤީ ލޯބިވާ މީހާ ފެންނަނީ އުމުރުގެ ކިހާ ހިސާބަކުން؟

ދުވަސްވީ ދެމަފިރިން ފޮޓޯ: އިންޓަނެޓް

އާމިނަތު ޔުމްނާ

އާމިނަތު ޔުމްނާ

25 ނޮވެމްބަރު 2024، 06:09

25 ނޮވެމްބަރު 2024، 06:09

ހަޤީޤީ ލޯބި ހޯދުމަކީ ކޮންމެ މީހެއްގެ ދިރިއުޅުމުގައިވެސް ތަފާތު ގޮތަކަށް ކުރިއަށްދާ ކަމެއްކަން ފަހުގެ ދިރާސާތަކުން ދައްކައިފިއެވެ. މި ދިރާސާތަކުގެ ނަތީޖާތަކުން ދައްކާ ގޮތުގައި ގިނަ މީހުން ދިގު މުއްދަތަކަށް ދެމިގެންދާ ލޯބީގެ ގުޅުމެއް ހޯދަނީ 27 އާއި 35 އަހަރާ ދެމެދުގެ އުމުރުފުރާގައެވެ.

ނަފްސާނީ ދިރާސާތަކުން ދައްކާ ގޮތުގައި ލޯބީގެ ގުޅުމެއް ވަރުގަދަވަނީ އެކަކު އަނެކަކަށް ކުރާ ހެޔޮ އަސަރުތަކާއި، އޯގާތެރިކަމާއި، އެކުގައި ހާސިލުކުރަން ބޭނުންވާ ލަނޑުދަނޑިތަކުގެ ސަބަބުންނެވެ. އެހެންނަމަވެސް، އެކަކު އަނެކަކުގެ ކިބައިން އުންމީދުކުރާ ކަންތައްތައް ތަފާތުވުމާއި، އެކަކު އަނެކަކަށް އެހީތެރިކަން ނުދިނުމަކީ ގުޅުން ނިމުމަކަށް އަންނަ ކަންކަމެވެ.

ދިރާސާތަކުން އިތުރަށް ދައްކާ ގޮތުގައި ބައެއް މީހުންނަށް ޅަ އުމުރުގައި ލޯބި ލިބޭއިރު، އަނެއްބައި މީހުންނަށް ލޯބި ލިބެނީ ދަރިން ލިބުމަށްފަހު ނުވަތަ ކައިވެނިކޮށްގެން އުޅޭއިރު ނުވަތަ  ވަރިވުމަށްފަހުގައެވެ. މިފަދަ ހާލަތްތަކުގައި ގިނަ ފަހަރަށް ވަރިވާން މެދުވެރިވަނީ ތިމާގެ "ހަގީގީ" ބައިވެރިޔާ ނޫންކަން އެނގުމުންނެވެ.

ލޯބީގެ ގުޅުމެއް ހޯދުމުގައި އެންމެ މުހިންމު ކަމަކީ އަމިއްލަ ނަފްސު ދެނެގަތުމާއި، އަމިއްލަ ބޭނުންތައް ދެނެގަތުމެވެ. އަދި މުއާމަލާތްކުރުމާއި، އެކުގައި ލަނޑުދަނޑިތައް ހާސިލުކުރުމާއި، އަމިއްލަ ނަފްސު ތަރައްގީކުރުމަށް މަސައްކަތްކުރުމަކީ ކާމިޔާބު ގުޅުމަކަށް މަގުފަހިވާނެ ކަންކަމެވެ.


                    

މި ލިޔުން ކިޔާލުމުން

Ads by MSS