ބުދަ ދުވަހުގެ އެއްވުމުން ހައްޔަރު ކުރި މީހުންގެ ތެރެއިން ޖުމްލަ 7 މީހުން ދޫކޮށްލައިފި

މި މަހުގެ 13ވަނަ ދުވަހުގެރޭ މާލޭގައި ކުރިޔަށްދިޔަ އެއްވުމުން ހައްޔަރުކުރި މީހުންގެ ތެރެއިން މިހާތަނަށް ޖުމްލަ 7 މީހުން ދޫކޮށްލާފައިވާކަމަށް ފުލުހުން ވަނީ ވިދާޅުވެފައެވެ..

މީޑިއާތަކަށް މަޢުލޫމާތު ދެމުން ފުލުހުން ބުނީ، އެ އެއްވުމުގެ ތެރެއިން ފުލުހުންގެ ޤާނޫނީ ވާޖިބަށް ހުރަސްއަޅައި އަމުރަށް ނުކިޔަމަންތެރިވި ކަމުގެ ތުހުމަތުގައި 9 މީހަކު ފުލުހުންގެ ބެލުމުގެ ދަށަށް ގެންދެވުނުކަމަށެވެ. އޭގެތެރޭގައި ހިމެނެނީ 7 ފިރިހެނުންނާއި 2 އަންހެނުންނެވެ.

އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ދެ އަންހެނުން ހިމެނޭހެން ހަ މީހަކު އެ ރޭ ދޫކޮށްލާފައިވާކަމަށް ފުލުހުން ހާމަކުރިއެވެ. އަދި ދެންތިބި 3 މީހުންގެ ތެރެއިން އެކަކު 3 ދުވަހަށް ބަންދު ކުރުމަށް، އެކަކު 5 ދުވަހަށް ބަންދު ކުރުމަށް އަދި އަނެއް މީހާ 10 ދުވަހަށް ބަންދު ކުރުމަށް ކޯޓުން ވަނީ އަމުރުކޮށްފައެވެ.

މީގެތެރެއިން 3 ދުވަހަށް ބަންދުކުރި މީހާ އެ މުއްދަތު ހަމަވުމުން މިހާރު ވަނީ ދޫކޮށްލާފައެވެ. 

ފުލުހުން ބުނީ އެ މުވައްސަސާއިން މި މައްސަލަ ތަޙުޤީޤުކުރަމުންދާ ކަމަށެވެ.