ޚަބަރު
މާފަންނު މާވެޔޮމަގުގައި ހުރި ގެއެއްގައި އަލިފާން ރޯވެ ސިފައިން ހަރަކާތްތެރިވަނީ
މާލޭގައި ހިނގި އަލިފާނުގެ ހާދިސާއެއްގައި އަލިފާން ނިއްވުމަށް ސިފައިން ހަރަކާތްތެރިވަނީ. ފޮޓޯ: އެމްއެންޑީއެފް
މާފަންނު މާވެޔޮމަގުގައި ހުރި ގެއެއްގައި އަލިފާން ރޯވެ ސިފައިން ހަރަކާތްތެރިވާން ފަށައިފިއެވެ.
އެމްއެންޑީއެފްއުން ބުނެފައިވަނީ އަލިފާނުގެ ހާދިސާ ހިނގައިގެން އުޅެނީ މާފަންނު ގެއެއްގެ 10 ވަނަ ފަންގިފިލާގައިކަމަށެވެ. އަދި އެމްއެންޑީއެފް ފަޔަރ އެންޑް ރެސްކިޔު ސަރވިސްއިން އެތަނުގައި ހަރަކާތްތެރިވަމުންދާކަމަށްވެސް އެމްއެންޑީއެފްއިން ބުނެފައިވެއެވެ.
އަލިފާން ރޯވީ 10 ވަނަ ފަންގިފިލާގައި ހުރި ގުދަނެއްގައިކަމަށާއި، އަދި އަލިފާން ކޮންޓްރޯލްކޮށްފައިވާކަމަށް އެމްއެންޑީއެފުން ބުނެއެވެ. މި ހާދިސާގައި އެއްވެސް މީހަކަށް ގެއްލުމެއް ނުލިބޭކަމަށްވެސް އެމްއެންޑީއެފްއުން ހާމަކޮށްފައިވެއެވެ.
