ފަޔަރފައިޓިންއާ ގުޅުންހުރި އިކުއިޕްމެންޓްތަކެއް ޖަޕާން ސަރުކާރުން ހަދިޔާކޮށްފި

ފަޔަރފައިޓިންއާ ގުޅުންހުރި އިކުއިޕްމެންޓްތަކެއް ޖަޕާން ސަރުކާރުން ދިވެހިރާއްޖެއަށް ހަދިޔާކޮށްފިއެވެ.

މި ތަކެތި ހަވާލުކޮށްފައި ވަނީ މިއަދު ބޭއްވި ޚާއްސަ ރަސްމިއްޔާތެއްގައެވެ. މި ރަސްމިއްޔާތުގައި ދިފާއީ ވަޒީރު ޙަސަން ރަޝީދު އާއި ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު، އިޝިގާމީ ވަނީ ބައިވެރިވެވަޑައިގެންފައެވެ. 

ޖަޕާން ސަރުކާރުގެ ހިލޭ އެހީގެ ދަށުން ލިބިފައިވާ ފަޔަރފައިޓިން ޕަންޕާއި އިކުއިޕްމެންޓް، އެމްއެންޑީއެފް ފަޔަރ އެންޑް ރެސްކިއު ސަރވިސްއަށް ހަވާލުކުރީ ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީގެ ފަރާތުންނެވެ. 

ޖަޕާން ސަރުކާރުގެ ހިލޭ އެހީގެ ދަށުން ރާއްޖެއަށް ލިބިފައިވާ، ފަޔަރފައިޓިންގ ޕަމްޕާއި އިކުއިޕްމަންޓް، ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީގެ ފަރާތުން އެމްއެންޑީއެފް ފަޔަރ އެންޑް ރެސްކިއު ސަރވިސްއަށް ހަވާލުކޮށްފި. pic.twitter.com/5Z3ULUtIZP

— Maldives National Defence Force (@MNDF_Official) May 20, 2026

މީގެއިތުރުން ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު މިއަދު ވަނީ ދިފާއީ ފަޒީރުގެ އަރިހަށް އިޙްތިރާމްގެ ޒިޔާރަތެއް ވެސް ކުރައްވާފައެވެ. ދިފާއީ ވުޒާރާގައި ކުރިޔަށްދިޔަ މި ބައްދަލުވުމުގައި ދެ ޤައުމުގެ ދެމެދުގައި އޮތް ހާރިޖީ ގުޅުން އިތުރަށް ބަދަހިކުރެވޭނެ ދާއިރާތަކާ ގުޅިގެން މަޝްވަރާކޮށްފައިވެއެވެ. 

ޖަޕާނަކީ ދިވެހިރާއްޖެއާ ވަރަށް ގާތުން މަސައްކަތްކުރާ ޤައުމެއްކަމުން، އެ ޤައުމުން އަންނަނީ ޒަމާނުއްސުރެން ގިނަގުނަ އެހީތަކެއް ދިވެހި ރައްޔިތުންނަށް ވަމުންނެވެ.