ދުނިޔެ

ފިނި މޫސުން ފެށުމާއި އެކު ޙާލުގައި ޖެހިފައިތިބި މީހުންގެ ޙާލަތު އިތުރަށް ގޯސްވެއްޖެ

ފިނި މޫސުން ފެށުމާއި އެކު ޙާލުގައި ޖެހިފައިތިބި މީހުންގެ ޙާލަތު އިތުރަށް ގޯސްވެއްޖެ

ވިއްސާރައިގެ ސަބަބުން ހަލާކުވެފައިވާ ޓެންޓެއްގެ ކައިރީގައި އަންހެނަކު ހުއްޓިލައިގެން.

ޙަސްނާ އަޙްމަދް

ޙަސްނާ އަޙްމަދް

26 ނޮވެމްބަރު 2024، 04:15

26 ނޮވެމްބަރު 2024، 04:15

ފަލަސްޠީނަށް ފިނި މޫސުން ފެށުމާއި އެކު ޙާލުގައި ޖެހި ޓެންޓު ތަކުންގައި ދިރިއުޅެމުންދާ މީހުންގެ ޙާލަތު އިތުރަށް ގޯސްވެއްޖެއެވެ. 

އިޒްރާއިލުން ފަލަސްޠީނުގެ ރައްޔިތުންނަށް އަމާޒުކޮށް ދެމުންދާ ހަމަލާތައް ފެށިފަހުން އަންނަ ދެވަނަ ފިނި މޫސުމެވެ. އަލްޖަޒީރާގައި ހާނީ މަޙްމޫދް ރިޕޯޓު ކޮށްފައިވާ ގޮތުން ބޯކޮށް ވާރޭވެހި އުދައެރުމުގެ ސަބަބުން އެތައް ހާސް ޓެންޓަކަށް ބޮޑެތި ގެއްލުންތަކެއް ލިބި ނުވަތަ ހަލާކުވެފައިވާކަމަށެވެ.

 ޚާއްސަކޮށް އައްސޭރިފަށާ ކައިރި ނުވަތަ ޣައްޒާ ސިޓީގެ މެދުތެރޭގައި ހުންނަ ޓެންޓްތައް ވަނީ ވަރަށް ބޮޑަށް ހަލާކުވެފައި ކަމަށް އަލްޖަޒީރާގައި ބުނެފައިވެއެވެ. 

މިކަމުގެ ސަބަބުން ހާލުގައި ޖެހި ޓެންޓުތަކުގައި ދިރިއުޅެމުންދާ މީހުންގެ ތަކުލީފުތައް އިތުރުވެފައިވެއެވެ. ޓެންޓުތަކުގައި ވަގުތީ ބޯހިޔާވަހިކަން ހޯދަމުންދާ މީހުންގެ ޓެންޓުތައް ހަލާކުވެފައިވާތީ މިސްކިތްތަކާއި ބައެއް އެހެނިހެން މަރުކަޒުތަކާއި އެހެނިހެން ތަންތަނަށް ބަދަލުވަމުން ދިޔަ ނަމަވެސް މިތަންތަނަކީ ތޮއްޖެހިފައިވާ ތަންތަނެވެ. އަދި މިކަމުގެ ސަބަބުން އާންމު ސާފުތާހިރުކަންވެސް ކުޑަވެފައިވާ ތަންތަންކަން ފާހަގަކޮށްލަން ޖެހެއެވެ.

ގަދަ ވަޔާ ވިއްސާރައިގެ ސަބަބުން ހަލާކުވެފައިވާ ޓެންޓުތަކުގައި ބައެއް މީހުން ދިރިއުޅެމުންދާއިރު  ފިނިހޫނުމިނުގެ ސަބަބުން އެމީހުންނަށް ބަލި ޖެހުމުގެ ބިރުވަނީ ބޮޑުވެފައެވެ. ޓެންޓުތައް ހަލާކުވުމުގެ ސަބަބުން ޙާލުގައި ޖެހި އެހެންތާކުން ޖާގަ ނުލިބިތިބި މީހުންނަށް މަޖުބޫރުވެފައިވަނީ މަގުމަތީގައި އުޅުމަށެވެ. 

މި ލިޔުން ކިޔާލުމުން

ކިޔުންތެރިންގެ ހިޔާލު

450

Ads by MSS