ޚަބަރު
މަސްތުވާތަކެއްޗާއިއެކު އަތުލައިގަތް މަސްބޯޓުގެ ސްރީލަންކާގެ 5 މީހުން 30 ދުވަހަށް ބަންދުކޮށްފި
މަސްތުވާތަކެއްޗާއިއެކު އަތުލައިގަތް މަސްބޯޓުގެ ސްރީލަންކާގެ 5 މީހުން ފޮޓޯ:ޕޮލިސް
ރާއްޖޭގެ ސަރަޙައްދުގައި ޤަވާޢިދާ ޚިލާފަށް ހަރަކާތްތެރިވަނިކޮށް އަތުލައިގަތް ސްރީލަންކާގެ މަސްބޯޓުން މަސްތުވާތަކެތި ފެނުމާ ގުޅިގެން ހައްޔަރުކުރި 5 މީހުން ކަސްޓޯޑިއަލް ޖަލުގައި 30 ދުވަހަށް ބަންދުކުރުމަށް ކުޅުދުއްފުށީ މެޖިސްޓްރޭޓް ކޯޓުން ވަނީ އަމުރު ކޮށްފައެވެ.
މޯލްޑިވްސް ޕޮލިސް ސަރވިސްއިން މަޢުލޫމާތު ދެއްވާފައިވާ ގޮތުގައި، މި މައްސަލައިގައި ހައްޔަރުކުރެވުނު 5 މީހުންނަކީ ސްރީލަންކާގެ ރައްޔިތުންނެވެ. އެމީހުން ދިވެހިރާއްޖޭގެ ކަނޑުގެ ސަރަޙައްދުގައި ޤާނޫނާ ޚިލާފަށް މަސްވެރިކަން ކުރަމުންދަނިކޮށް ކޯސްޓްގާޑުގެ އޮޕަރޭޝަނެއްގައި ހިފެހެއްޓުނެވެ.
ބޯޓު ބަލައި ފާސްކުރުމުގެ ތެރޭގައި މަސްތުވާތަކެތި ކަމަށް ޝައްކުކުރެވޭ އެއްޗެހި ފެނިފައިވާ ކަމަށް ފުލުހުން ބުނެއެވެ. މި މައްސަލައިގެ ތަޙްޤީޤު ކުރިއަށްދާއިރު، ޝައްކުކުރެވޭ ތަކެތި ތަޙްލީލުކުރުމަށް ވަނީ ފޮނުވާފައެވެ.
ކުޅުދުއްފުށީ މެޖިސްޓްރޭޓް ކޯޓުން މި 5 މީހުން 30 ދުވަހަށް ބަންދުކުރުމަށް ވަނީ އަމުރުކޮށްފައެވެ.
